Chapter Title : നിധിയുടെ കാവൽക്കാരൻ 9 [കാവൽക്കാരൻ]

തൊട്ടടുത്ത നിമിഷം അവൾ എന്റെ മടിയിൽ കയറിയിരുന്നു....

അവളുടെ പെട്ടെന്നുള്ള ഈ നീക്കം എന്നെ വീണ്ടും ഞെട്ടിച്ചു.

ഒരു നിമിഷം ഞാൻ വാക്കുകൾ നഷ്ടപ്പെട്ടവനെപ്പോലെ ഇരുന്നുപോയി. എന്റെ മടിയിൽ, ആ മുറിയിലെ വായുവിൽ ഞങ്ങൾ മാത്രമായി.

നിധിയുടെ ശരീരത്തിന്റെ ചൂട് എൻ്റെ കാലുകളിലേക്ക് അരിച്ചു കയറാൻ തുടങ്ങി.

​ഒരു പ്രത്യേക തരം ഗന്ധം എന്നെ പൊതിഞ്ഞു. അത് പൂക്കളുടെയോ സുഗന്ധദ്രവ്യങ്ങളുടെയോ ആയിരുന്നില്ല; അതെന്തോ അവളുടെ മാത്രം, വ്യതിരിക്തമായ ഒരു ചൂടും നേരിയ മധുരവുമുള്ള, എന്നെ അസ്വസ്ഥനാക്കുന്ന ഒരു വാസനയായിരുന്നു.

ശ്വാസം ഉള്ളിലേക്ക് എടുക്കുന്തോറും എന്നിൽ ലഹരിപോലെ ആ വാസന പടർന്നു കയറുന്നതായി തോന്നി.

​ആ നിമിഷം എൻ്റെ ഹൃദയമിടിപ്പ് അസാധാരണമാംവിധം ഉയർന്നു.

​അതിന്റെ ശബ്ദം എൻ്റെ നെഞ്ചിൽ ഒരു ഇടിമുഴക്കം പോലെ മുഴങ്ങി. അവളുടെ അടുപ്പം എന്നിലുണ്ടാക്കിയ ആവേശം കാരണം, ആ ശബ്ദം അവൾ കേൾക്കുമോ എന്ന് ഞാൻ ഭയന്നു.

എൻ്റെ സിരകളിലൂടെ രക്തം അതിവേഗം പായുന്നതായും ശരീരം വിയർക്കുന്നതായും എനിക്കനുഭവപ്പെട്ടു.

​നിധി എൻ്റെ മുഖത്തേക്ക് നോക്കി. അവളുടെ കണ്ണുകൾ. അവ വെറും കണ്ണുകളായിരുന്നില്ല. തെളിഞ്ഞതും എന്നാൽ ആഴമേറിയതുമായ ആ നോട്ടത്തിൽ പരിചയമില്ലാത്ത ഒരു ഭാവം ഉണ്ടായിരുന്നു

​"എന്താ ദേവാ... നീ എന്തിനാ എപ്പോഴും എന്നോട് ദേഷ്യപ്പെടുന്നേ..?പണ്ടൊക്കെ നിനക്ക് എന്നോട് എന്ത് സ്നേഹമായിരുന്നു...."

​അവളുടെ ശബ്ദം മുറിഞ്ഞതും മൃദുവുമായിരുന്നു. ആ ശബ്ദം എൻ്റെ ചെവിയിൽ തേൻ പോലെ ഒഴുകിയെത്തി, അതെന്നെ അവളുടെ അടുത്തേക്ക് കൂടുതൽ അടുപ്പിച്ചു.

ഞാൻ മറുപടി പറയാൻ ശ്രമിച്ചു, പക്ഷേ വാക്കുകൾ തൊണ്ടയിൽ കുരുങ്ങിക്കിടന്നു.

അവളുടെ മുഖവും എൻ്റെ മുഖവും തമ്മിൽ ഒരു വിരൽപ്പാട്