Chapter Title : നിധിയുടെ കാവൽക്കാരൻ 9 [കാവൽക്കാരൻ]

ഇവൻ ഇവിടേ ഒറ്റക്കല്ലേ അത്കൊണ്ട് ഇന്ന് പോയില്ല"

നിധി എന്റെ കൈ കോർത്തുപിടിച്ചുകൊണ്ട് പറഞ്ഞു...

പക്ഷേ നിധിയുടെ നോട്ടം ആമിയിലേക്കാണ്...

ഞാൻ നിധിയുടെ കൈ തട്ടി മാറ്റി റോസിനെയും കൂട്ടി എന്റെ റൂമിലേക്ക് പോയി...

അവളുടെ കയ്യിലേ പിടി വിട്ടത് റൂമിൽ കയറി വാതിൽ ലോക്ക് ചെയ്ത ശേഷമാണ്....

"നീ എന്തിനാടി അവളേം കൂട്ടി ഇങ്ങോട്ട് വന്നേ..."

എന്റെ വാക്കുകളിൽ ദേഷ്യത്തേക്കാളേറെ നിസ്സഹായതയാണ് നിഴലിച്ചത്.

​"എടാ, ഞാൻ വേണമെന്ന് വെച്ച് കൊണ്ടുവന്നതൊന്നുമല്ല. ഞാനാണ് അവളെ വീട്ടിൽ നിന്ന് സാധാരണ പിക്ക് ചെയ്യാറെന്ന് നിനക്കറിയാലോ. ഇന്ന് ലീവ് എടുക്കുന്ന കാര്യം അവളോട് പറയാൻ ഞാൻ മറന്നുപോയിരുന്നു. കുറേ നേരം എന്നെ കാത്തുനിന്നിട്ടും കാണാത്തതുകൊണ്ട് അവൾ നേരെ അങ്ങോട്ടേയ്ക്ക് വന്നതാണ്. അതും ഞാൻ ഇങ്ങോട്ട് വരാൻ നിൽക്കുന്ന സമയത്ത്. അവൾ കാര്യം തിരക്കിയപ്പോൾ കൃതികയുടെ കാര്യം പറയേണ്ടി വന്നു...ആദ്യം അവളൊന്ന് ഞെട്ടിയെങ്കിലും പിന്നീട് അവൾക്കും വരണം എന്ന് അവൾ വാശിപ്പിടിച്ചു"

​റോസിന്റെ വാക്കുകൾ കേട്ടപ്പോൾ എന്ത് പറയണം എന്നെനിക്ക് അറിയില്ലായിരുന്നു.

​കുറച്ചു നേരത്തേക്ക് ഒന്നും മിണ്ടാതെ ഞാൻ ദിവാനിൽ ഇരുന്നു.

​എന്റെ അവസ്ഥ മനസ്സിലാക്കിയിട്ടാവണം, റോസും എന്റെ അരികിൽ വന്നിരുന്നു.

​"ദേവാ, ഞാൻ നിന്നോട് ഒരു കാര്യം പറയട്ടേ?"

​"മ്മ്..."

"വരുന്ന വഴി നിന്റെ കാര്യം ഞാൻ അവളോട് സൂചിപ്പിച്ചിരുന്നു... "

"എന്ത് കാര്യം..."

ഞാൻ ഉദ്ദേശിക്കുന്നത് തന്നെയാണോ എന്നെനിക്കറിയണമായിരുന്നു...

"അത് നീ അവളേ ഉമ്മവച്ചില്ലേ അത്..."

"എന്നിട്ട്...?"

ഞാൻ അവളുടെ മറുപടിക്കായി ചെവിക്കൂർപ്പിച്ചു വച്ചു...

"ആമിയുടെ സ്വഭാവം പതിവ് പോലേ ശാന്തമായിരുന്നു. നിന്നേ കുറിച്ച് മോശമായിട്ടൊന്നും അവൾ പറഞ്ഞില്ല.