Chapter Title : നിലാവിലെ ഫാദി 1 [ഫ്ലോക്കി കട്ടേക്കാട്]

ആഗ്രഹം ഉള്ളിൽ വന്നു തുടങ്ങിയിരുന്നു അഫ്സൽക നല്ലൊരു ബിസിനസ്‌ പ്രപ്പോസൽ വെക്കുന്നത്. പക്ഷെ കയ്യിൽ ഫണ്ട്‌ ഇല്ലാത്തതിനാൽ 2 വർഷത്തിനുള്ളിൽ ഞാൻ ജോയിൻ ചെയ്‌തോളാം എന്നൊരു തീരുമാനത്തിൽ എത്തി. ഇക്കാക്കും അത് സമ്മതം ആയിരുന്നു.

അങ്ങനെ ഇക്ക നാട്ടിൽ പോകുന്ന കൂട്ടത്തിൽ ഞാൻ ഫാദിയെയും മോളെയും നാട്ടിൽ വിട്ടു. നാട്ടിൽ പോയി വീണ്ടും ബീഫും മട്ടനും കയറ്റിത്തുടങ്ങിയതോടെ ഫാദി വീണ്ടും പഴയ രൂപത്തിലേക്ക് മാറാൻ തുടങ്ങി. അതവൾക്ക് ഇഷ്ടമല്ല എന്നുള്ളത് കൊണ്ട് ഫാദി നാട്ടിൽ ജിമ്മിൽ പോകാൻ തുടങ്ങി.

ഇനി അഫ്സൽകയെ കുറിച്ച് പറയാം!

ഈ കമ്പനിയിൽ കയറിയ അന്ന് മുതൽ എന്റെ കൂട്ടുകെട്ടിൽ ഏറ്റവും അടുത്ത ആളാണ്‌ അഫ്സൽക. ഒരു വല്ലാത്തൊരു മുതലാണ് ഇക്ക. കുറച്ചു കാലം ഇക്കയുടെ ഫാമിലിയും ഉണ്ടായിരുന്നു ഞങ്ങളുടെ കൂടെ. ഇക്കാക്ക് എന്നേക്കാൾ 2 വയസ്സ് കൂടുതൽ ഉണ്ടാകും. വൈഫ് നാദിറ. ഒരു മോളുണ്ട്.

ഏകദേശം 8 വർഷമായി ഞങ്ങൾ ഈ കമ്പനിയിൽ ഉണ്ട്. ഇന്ന് വരെ പുള്ളിയുടെ ക്യാരക്ടർ എനിക്ക് പിടി കിട്ടിയിട്ടില്ല. ഒരു പിടിയും തരാത്ത മനുഷ്യൻ. ഒരു പക്ഷെ പുള്ളിയുടെ പല സ്വഭാവ ഗുണങ്ങളും പതിയെ എന്നിലേക്കും വന്നിട്ടുണ്ട്. എല്ലാം നിങ്ങൾക്ക് വഴിയേ മനസ്സിലാകും.

ഇക്കാക്ക് നാട്ടിൽ ഒരുപാട് സ്വത്തുണ്ട്. കുടുംബ സ്വത്ത്‌ വിഹിതം വെച്ചപ്പോ ആകെ ഉണ്ടായിരുന്ന രണ്ട് പെങ്ങന്മാർ അവരുടെ വിഹിതം എല്ലാം ഇക്കാക്ക് അങ്ങ് കൊടുത്തു.

അല്ല, വിറ്റു!.

അതിന്റെ പേരിൽ കുറച്ചു കടം ഉണ്ട്, അത് വീട്ടാൻ വേണ്ടി ആണ് മൂപര് ഗൾഫിൽ നിന്നത്. അതെല്ലാം തീർത്ത് നാളെ മൂപര് പോവാണ്.