Chapter Title : നിശാഗന്ധി 2 [വേടൻ]

അവനൊരു കോട്ടുവായ ഇട്ടുകൊണ്ട് ന്നോട് അലറി.

"" ഉറങ്ങാനോ...?? അപ്പൊ നീ ഇതുവരെ കിടന്നില്ലേ??
അപ്പോ ഇത്രേം നേരം നീയെന്തോ തൊലിക്കുവായിരുന്നു... നാളത്തെ ഇഡ്ഡലി ക്കുള്ള മാവട്ടുവായിരുന്നോ...? ""

"" ഏഹ്,
നാളെ ഇഡ്ഡലിയാണോ ഇവിടെ... അമ്മയെന്നോടൊന്നും പറഞ്ഞില്ലാലോ... ""

ഞാൻ തലക്ക് കൈ കൊടുത്ത്...

"" അതൊന്നുല.. മിനിമം ബുദ്ധി ഉണ്ടോന്ന് ഞാൻ ശ്രദ്ധിക്കണമായിരുന്നു... ന്റെ തെറ്റാ... ഹല്ല.. നീയെന്താ കിടക്കാൻ ലേറ്റ് ആയെ..?? ""

ഞാൻ വീണ്ടുമെന്തോ ഓർത്തെന്ന പോലെ അവനോട് തിരക്കി.

"" ഓഹ് ന്റെ ഒറക്കം ഒക്കെ ഏതാണ്ട് ഈ സമയത്താടാ... അവള് പണ.... പണ.... ന്ന് പറഞ്ഞോണ്ടിരിക്കും... മറ്റേത് ബാക്കിയുള്ളൊന് ഉറക്കം വന്നിട്ട്.. ഉറങ്ങിന്നങ്ങാനും കണ്ടാ... ഇയ്യോ അന്നത്തെ ദിവസം... അല്ല അത് വിട്.. നീ പോയി കിടന്ന് ഉറങ്ങിയേ.. ഞാനും സൈഡ് പിടിക്കട്ടെ....""

മറുത്തൊന്നും പറയാതെ അവൻ ഫോൺ വെച്ചു. പാവം... എന്തെല്ലാം ത്യാഗമാ... ഈശ്വരാ... ഇനി ന്റെ അവസ്ഥയും ഇതൊക്കെ തന്നെ ആവോ...?

പിന്നെ കിടന്നിട്ട് എന്തേയ്യ്താലും ഉറക്കം വരുന്നില്ല., ഒരു കാപ്പിയും തിളപ്പിച്ച്‌ ഞാൻ വെളിയിലേക്ക് ഇറങ്ങി, ഷെയ്യ് ഒറക്കോം പോയി, സമയമാണേൽ മൂന്നര ആയതേ ഉള്ളു താനും..., എനിക്കണേൽ അവളെ കണ്ടില്ലെങ്കിൽ ചത്തുപോകുമെന്ന അവസ്ഥ,
ഞാൻ ഫോണെടുത്തു അവനെ വീണ്ടും കാൾ ചെയ്തു.

""അവള് എവിടാ സ്റ്റേ ന്ന് അറിയോ നിനക്ക്....??""

✨✨✨✨✨✨✨✨✨✨✨✨✨✨✨✨✨

ഞാൻ ബൈക്കിന്റെ കിക്കർ ആഞ്ഞു ചവിട്ടി, ഇട്ടിരുന്ന ഡ്രെസ്സ് മാറി ഒരു ടി ഷർട്ടും ട്രാക്ക് പാന്റും എടുത്തിട്ടു, നേരെ കോളേജിന്റെ ലേഡീസ് ഹോസ്റ്റലിലേക്ക് വെച്ചു വിട്ടു. ഹോസ്റ്റലിന്റെ മുന്നിലെത്തിയപ്പോ