Chapter Title : നിശാവരതന്ത്രം 2 [Zayanora]

രജിസ്റ്റർ തുറന്നു. ലിസ്റ്റിലുള്ള ഓരോരുത്തരുടെയും പേര് വിളിച്ച് അറ്റൻഡൻസ് രേഖപ്പെടുത്തി.

“ഫസ്റ്റ് ഇയറിലെ കുട്ടികൾ എവിടെ?”

“മിസ്, അവരോട് ഒന്നരയ്ക്ക് വരാനാ പറഞ്ഞിരിക്കുന്നത്,” ശരണ്യ പറഞ്ഞു.

“ആണോ? എന്നാ അവർ വരട്ടെ. നമുക്ക് തുടങ്ങാം.”

അമല മിസ് വാതിൽ തുറന്ന് അകത്തേക്ക് കയറി. പിന്നാലെ കുട്ടികളും.

പുറത്തുനിന്ന് നോക്കുമ്പോൾ വലിയൊരു മുറിയാണെന്നേ തോന്നൂ. എന്നാൽ അകത്തുകയറിയപ്പോഴാണ് അതുലിന് ലൈബ്രറിയുടെ വലുപ്പം മനസ്സിലായത്.

നീളമുള്ള ഒരു ഹാളും അതിനോട് ചേർന്ന് രണ്ടു ചെറിയ മുറികളുമാണ്. ഹാളിന്റെ ഇരുവശങ്ങളിലുമായി വലിയ പുസ്തകറാക്കുകൾ നിരന്നുകിടക്കുന്നു. ചിലതിന് ഗ്ലാസ് വാതിലുകളുണ്ട്. മറ്റു ചിലത് തുറന്ന റാക്കുകളാണ്. നടുവിലായി കുറച്ച് മേശകളും കസേരകളും.

റാക്കുകളിൽ പഴയ ടെക്സ്റ്റ് ബുക്കുകളും റഫറൻസ് ബുക്കുകളും അടുക്കിവച്ചിട്ടുണ്ട്. ചില ഷെൽഫുകളിൽ പുസ്തകങ്ങളെക്കാൾ കൂടുതൽ ഫയലുകളായിരുന്നു. ഒരു വശത്ത് പഴയ പ്രോജക്ട് റിപ്പോർട്ടുകൾ കൂട്ടിയിട്ടിരിക്കുന്നു.

മുറിയിൽ പഴയ പുസ്തകങ്ങളുടെയും അടച്ചിട്ട സ്ഥലത്തിന്റെയും ഒരു പ്രത്യേക മണമുണ്ടായിരുന്നു.

“അയ്യോ, ഇവിടെ മൊത്തം പൊടിയാണല്ലോ,” മറീന പറഞ്ഞു.

“അതുകൊണ്ടല്ലേ നിങ്ങളെ വിളിച്ചത്,” അമല മിസ് ചിരിച്ചുകൊണ്ട് പറഞ്ഞു.

“മിസ്, ഈ ലൈബ്രറി ഇപ്പോ തീരെ ഉപയോഗിക്കാറില്ലേ?” മേഘ്ന ചോദിച്ചു.

“ഉപയോഗിക്കാറുണ്ട്. പക്ഷേ വളരെ കുറവാ. പുതിയ ലൈബ്രറി വന്നതിൽ പിന്നെ എല്ലാം അവിടേക്ക് മാറ്റിയില്ലേ. ഇവിടെ പഴയ റഫറൻസ് ബുക്കുകളും പ്രോജക്ട് റിപ്പോർട്ടുകളുമൊക്കെയാ കൂടുതലുള്ളത്.”

മിസ് ഒരു റാക്കിന്റെ ഗ്ലാസ് വാതിൽ തുറന്നു.

“ഇതൊക്കെ കുറേക്കാലമായി ഒന്ന് അടുക്കിവച്ചിട്ട്. അതുകൊണ്ട് ഇന്ന് കുറച്ച് പണിയുണ്ടാകും.”

അതുകേട്ടപ്പോൾ മിഥുൻ അതുലിനെ നോക്കി.

“നമ്മൾ പെട്ടെന്നാ തോന്നുന്നേ,” അവൻ പതുക്കെ പറഞ്ഞു.

“നീ അല്ലേ വലിയ