Chapter Title : നിശാവരതന്ത്രം 2 [Zayanora]

മേഘ്ന ചോദിച്ചു.

“ആ. മിസ് നേരെ അവിടെ വരാമെന്ന് പറഞ്ഞിട്ടുണ്ട്.”

“ശരി.”

അതുൽ വാച്ചിൽ സമയം നോക്കി.

ഒന്ന് പത്ത്.

കുറച്ചുനേരം കൂടി ക്ലാസിൽ ഇരുന്നശേഷം അവൻ എഴുന്നേറ്റു.

“ടാ മിഥുനേ, പോകണ്ടേ?”

“ആ, വാ.”

“ജെറിനേ, ഞങ്ങൾ പോകുവാ.”

“ആ, ഞാനും ഇറങ്ങാം.”

കുറച്ചുസമയത്തിനുള്ളിൽ ലൈബ്രറി ഗ്രൂപ്പിലുള്ളവർ ക്ലാസിനു പുറത്തേക്ക് ഇറങ്ങി.

അതുലും മിഥുനും ഒരുമിച്ചാണ് നടന്നത്. മുന്നിലായി ശരണ്യയും മേഘ്നയും മറീനയും മറ്റു രണ്ടുമൂന്നു പേരുമുണ്ട്. അജ്മലും ശ്രീജിത്തും ആന്റണിയും പുറകിലായി സംസാരിച്ചുകൊണ്ട് വരുന്നു.

കോണിപ്പടി ഇറങ്ങി താഴെ എത്തിയപ്പോൾ സിജോ അവരോട് യാത്ര പറഞ്ഞു.

“ടാ, ഞാൻ അങ്ങോട്ട് പോവാ. വൈകിട്ട് കാണാം.”

“ആ, പണിയൊക്കെ നല്ലതുപോലെ ചെയ്യണേ,” മിഥുൻ പറഞ്ഞു.

“നീ ആദ്യം നിന്റെ പണി നോക്ക്.”

സിജോ ചിരിച്ചുകൊണ്ട് നടുമുറ്റത്തേക്ക് നടന്നു.

ജെറിനും ലാബിന്റെ ഭാഗത്തേക്ക് തിരിഞ്ഞു.

അതുലും ബാക്കിയുള്ളവരും പഴയ ഐ.ടി. ബ്ലോക്കിലേക്ക് നടന്നു.

രാവിലെ മുതൽ മൂടിക്കെട്ടിനിന്നിരുന്ന ആകാശം അപ്പോഴും തെളിഞ്ഞിട്ടില്ല. ഇടയ്ക്കു ചെറിയ കാറ്റുവീശുന്നുണ്ട്.

“മഴ പെയ്യുമോ എന്തോ,” മിഥുൻ ആകാശത്തേക്ക് നോക്കിക്കൊണ്ട് പറഞ്ഞു.

“പെയ്താൽ എന്താ? നമുക്ക് അകത്തല്ലേ പണി.”

“അത് ശരിയാ.”

പഴയ ഐ.ടി. ബ്ലോക്കിന്റെ താഴത്തെ നിലയിലായിരുന്നു പഴയ ഡിപ്പാർട്ട്മെന്റ് ലൈബ്രറി. പുതിയ ബ്ലോക്കുകൾ വന്നതോടെ ഈ ഭാഗത്തേക്ക് വിദ്യാർത്ഥികൾ അധികം വരാറില്ലായിരുന്നു.

വരാന്തയുടെ അറ്റത്തെ മുറിക്കുമുന്നിൽ അമല മിസ് നിൽപ്പുണ്ടായിരുന്നു. കൈയിൽ ഒരു രജിസ്റ്ററും പേനയുമുണ്ട്.

“ആ, എല്ലാവരും എത്തിയോ?” മിസ് ചോദിച്ചു.

“എത്തി മിസ്,” ശരണ്യ പറഞ്ഞു.

“ആ, എന്നാ നമുക്ക് അറ്റൻഡൻസ് എടുത്തിട്ട് തുടങ്ങാം.”

മിസ് കൈയിലുണ്ടായിരുന്ന