Chapter Title : നിശാവരതന്ത്രം 2 [Zayanora]

ജിപിടി എടുത്തു.. തലങ്ങും വിലങ്ങും തിരിച്ചും മറിച്ചും ചോദിച്ചു.. ഇങ്ങനെ ഒരു ടെക്നോളജി ഇല്ലെന്നു സാധാരണ എന്ത് ചോദിച്ചാലും അവൻ പറഞ്ഞതിനെ അനുകൂലിച്ചു പറയുന്ന ചാറ്റ് ജിപിടി വരെ കട്ടായം പറഞ്ഞു..

അതുലിന്റെ ആകാംഷ കൂടി..

‘താഴെ കൊണ്ട് പോയി എല്ലാവർക്കും കാണിച്ചു കൊടുത്താലോ..’

‘ഒന്നൂടി ടെസ്റ്റ് ചെയ്തിട്ട് പോവാം.’

അവൻ വീണ്ടും ബുക്ക് തുറന്നു..

“അതുൽ” അവൻ അധികാരി എന്നതിന് നേരെ എഴുതി..

അവൻ അത് എഴുതി നിമിഷങ്ങൾക്കകം ആ പുസ്തകത്തിൽ നിന്ന് ഒരു നീല നിറത്തിലുള്ള ഒരു നേരിയ പ്രകാശം പുറത്തു വരാൻ തുടങ്ങി… അവന്റെ കയ്യിൽ നേരിയ വൈദ്യുത പ്രവാഹം പോലെ എന്തോ ഒന്ന് അനുഭവപ്പെട്ടു..

അതുലിന്റെ കണ്ണുകൾ വിടർന്നു. പെട്ടെന്ന് കൈ വലിച്ചു..

“അമ്മേ..!” അവൻ അറിയാതെ ഉറക്കെ പറഞ്ഞു പോയി..

“എന്താടാ.. എന്ത് പറ്റി ??” താഴെ നിന്നും അരുന്ധതി വിളിച്ചു ചോദിച്ചു..

അത് കേട്ടപ്പോഴാണ് അതുലിനു സ്ഥലകാല ബോധം തിരിച്ചു വന്നത്..

“ഒന്നുമില്ല അമ്മെ..” അവൻ വേഗം വിളിച്ചു പറഞ്ഞു..

“പിന്നെന്തിനാ വിളിച്ചത്..”

“അത്.. ഒരു ഏലി..” അതുൽ വായിൽ തോന്നിയ നുണ വിളിച്ചു പറഞ്ഞു..

“എലിയോ കുറേ കാലം ആയി ഇല്ലാത്തതാണല്ലോ.. ഇതെവിടുന്നു വന്നു..?”

“അറിയില്ല, ഹാളിലേക് ഓടി പോയി..”

“ആഹ് നാളെ ട്രാപ് വക്കാൻ പറയാം അച്ഛനോട്, നീ വാതിൽ അടച്ചിട്ടോ ഇന്ന്..”

“ആ ശരി..”

അവൻ വേഗം പോയി വാതിൽ അടച്ചു കുറ്റി ഇട്ടു..

തിരികെ കസേരയിൽ വന്നിരുന്നു..

അതുലിന് ആദ്യം തോന്നിയത് പുസ്തകം അടയ്ക്കാനാണ്. പക്ഷേ എന്താണ് സംഭവിക്കുന്നതെന്നറിയാനുള്ള ആകാംക്ഷ കാരണം അവൻ