Chapter Title : ഞാനും എന്‍റെ ചേച്ചിമാരും 6 [രാമന്‍]

ഞാനും എന്‍റെ ചേച്ചിമാരും 6

Njaanum Ente chechimaarum Part 6 | Author : Raman

[ Previous Part ]

തെറ്റുകൾ ഒരുപാടുണ്ടാകും. ഒരു നേരംപോക്കിന് തുടങ്ങിയ കഥ ഇത്ര സപ്പോർട്ട് ചെയ്ത എല്ലാവർക്കും ഒരുപാടു സ്നേഹം. ബോർ ആയി തുടങ്ങുന്നുണ്ടെങ്കിൽ തുറന്നു പറയണമെന്ന് അപേക്ഷിക്കുന്നു. ഇനി 3-4 പാർട്ടോടെ ഈ കഥ കഴിയുമെന്നാണ് ഞാൻ കരുതുന്നത്. ഇപ്പൊ ഒട്ടും സമയം ഇല്ലാഞ്ഞിട്ടാണ് വൈകിയത്.ഒത്തിരി സ്നേഹം ??

--------------------------------------------------------------------

"അങ്ങനെ ആണ് മാമി ഞങ്ങൾ സെറ്റായത്"

പറഞ്ഞുകൊണ്ട് ഞാൻ ശ്വാസം ദീർഘമായി വലിച്ചുവിട്ടു. മാമിയുടെ മടിയിൽ കഥക്കിടക്ക് എപ്പോഴോ ആണ് ഞാൻ കമിഴ്ന്നു കിടന്നത്. നനുത്ത സാരിയിൽ വിരൽ പിണച്ചുകൊണ്ട് ചെറിയ നാണത്തോടെ തിരിഞ്ഞു മാമിയെ നോക്കിയപ്പോൾ മാമി നല്ല ഉറക്കം.

ഇതിനോടാണല്ലോ ഈശ്വര ഞാൻ ഇത്രനേരം കഥ പറഞ്ഞത്. തല മുകളിലേക്കുയർത്തി ശാന്തമായി ഉറങ്ങുകയാണ്.

"മാമി...." ഞാൻ സങ്കടത്തിൽ വിളിച്ചു. മാമി ഞെട്ടി. കണ്ണുതിരുമ്മിക്കൊണ്ട് തിരിച്ചു ബോധത്തിലേക്ക് വന്നു എന്നെ തുറിച്ചു നോക്കി.

"എന്നാടാ കിച്ചു "

" എന്താ മാമി ഇത്. ഞാൻ ഇത്ര തൊണ്ട പൊട്ടി പറഞ്ഞത് വെറുതെ ആയില്ലേ.... " ഞാൻ പരിഭ്രമം പുറത്തെടുത്തു.മാമി ചിരിച്ചു.

"ഞാൻ എല്ലമേ കെട്ടിരുക്ക് "

" മാമി വെറുതെ പറഞ്ഞാൽ ഉണ്ടല്ലോ..അപ്പൊ എപ്പഴാ ഉറങ്ങിയേ... "

"എടാ കിച്ചൂ നീ കഥ സൊള്ളി കഴിഞ്ഞതും ഞാൻ ഉറങ്ങിപ്പോയി.നീ അവസാനം പറഞ്ഞത് ഋഷി പോയതല്ലേ..." മാമി പിരികം ഉയർത്തി ചോദിച്ചതും ഞാൻ ശങ്കിച്ചു. ഋഷി പോയതിനെ പറ്റി ഞാൻ പറഞ്ഞില്ലല്ലോ.

"അതിന് ഞാൻ ഋഷി പോയത് പറഞ്ഞില്ലല്ലോ." പറഞ്ഞപ്പോ മാമിയും ഒന്ന് ശങ്കിച്ചു.

" ശ്ശോ ഞാൻ എന്തോ ആലോചിച്ച് പറഞ്ഞതാ. എന്തായിരുന്നു... ഹാ നിങ്ങൾ ഒരുമിച്ചുകിടന്നുറങ്ങിയത് വരെയല്ലേ നീ പറഞ്ഞത് " മാമി തലയിൽ കൈവെച്ചു പറഞ്ഞു.ഞാൻ ആ മുഖത്തേക്ക് സംശയത്തോടെ നോക്കി അച്ചുവിനെ സൂക്ഷിച്ചു നോക്കുമ്പോൾ അവൾ ചിരിക്കുന്നപോലെ മാമിയും ഒന്ന് ചിരിച്ചു.. കൂടെ ഞാനും..

"അതേ ആ ഡോക്ടർക്ക് എന്ത് പറ്റി" മാമി ഉയർന്നു കൊണ്ട് എന്റെ തല ഒന്നുകൂടെ കയറ്റിവെച്ചു ഒന്ന് നേരെ ഇരിന്നു " റോഷന് അവനെ തല്ലിയോ "

"എവിടുന്ന് മാമി അവന് വീട്ടിലേക്ക് വന്നത് അച്ചുവിനെ കാണാൻ മാത്രമല്ല. അന്ന് അവരുടെ ലാസ്റ്റ് മീറ്റ് ആയിരുന്നു. അവന് ഇവിടുത്തെ പണി മതിയാക്കി അന്ന് രാത്രിയിലെ ഫ്ലൈറ്റിന് ഡൽഹിക്ക് പോയി. പാവം ഞാൻ കുറേ അവനെ പ്രാകി..."ഞാൻ അന്നത്തെ കാര്യം ആലോചിച്ചു  പതിയെ പറഞ്ഞു.

"അപ്പൊ റോഷനോ അവനെന്തു ചെയ്തു.. ഋഷിയെ തേടി പോയതല്ലേ "

"ഹിഹി" ഞാൻ ഒന്ന് ചിരിച്ചു "

"അവന് രണ്ടുദിവസം ലീവ് ആയിരുന്ന സെക്യൂരിറ്റി ചേട്ടനോട്