Chapter Title : കാർത്തികേയം 4 [Oruthan]

അന്തം വിട്ടു.ശരണ്യയുടെ സ്ഥിതിയും മറിച്ചല്ല.

“ആഹ്ഹ് രണ്ടും കണക്കാ…

ഇനി കൊച്ചിന്റെ നൂലുകെട്ടിന് കാണാം.”

അങ്ങനവസാനം സ്വർഗത്തിൽ നിന്നും ആ കട്ടുറുമ്പ് ഇറങ്ങിപ്പോയി.

“ഹ്ഹോ!! ഇതേകണക്ക് എരണം കെട്ട കൂട്ടുകാര് ഇനീം ഉണ്ടോടീ നിനക്ക്?”

“എരണം കെട്ട കൂട്ടുകാരൊന്നുവില്ല പക്ഷെ ഒരു വൃത്തികെട്ട കാമുകനുണ്ട്. ബോധോം വെളിവും ഇല്ലാത്തൊരു സാധനം.”

“വൃത്തികെട്ടവനോ?ഞാനോ??”

“അല്ലാണ്ട് പിന്നെ? മുറിക്കാത്ത് കേറീതെ ഓർമ്മയുള്ളൂ…വാതിൽ ചാരാൻ പോലും നേരവില്ല,അപ്പോളേക്കും വന്നേക്കുവാ ജന്തു ഉമ്മവെക്കാൻ…”

“ഓ ഇപ്പൊ കുറ്റം മൊത്തം എനിക്കായി!”

“ആ ആണെന്ന് കൂട്ടിക്കോ”

ഓരോ ഡയലോഗിനും ഓരോ ചുവടുവച്ച് ഹരി മായക്കരികിലേക്ക് നീങ്ങി. ആദ്യം രണ്ടടി അകലെയുണ്ടായിരുന്നവൻ, അവൾ അവസാന വാക്ക് പറഞ്ഞപ്പോഴേക്കും തൊട്ടുമുന്നിലെത്തിയിരുന്നു.

ചാരിയിട്ടിരുന്ന ബാൽക്കണി ഡോർ തള്ളിത്തുറന്ന് അകത്തേക്ക് കയറിയ കാറ്റ് മായയുടെ കുഞ്ഞുവട്ട മുഖത്തിന് ചുറ്റും കിടന്നിരുന്ന മുടിയിഴകളെ തഴുകിയുലച്ചു. ഒരു നിമിഷം അവളെ നോക്കി നിന്ന ഹരി, പതിയെ കൈയുയർത്തി അവ കണ്ണിൽ തട്ടാതെ അവളുടെ ചുവന്നുതുടുത്ത ചെവിക്കുപിന്നിലേക്ക് ഒതുക്കിവെച്ചു.

അവന്റെ സ്പർശത്തിൽ അവളുടെ ശ്വാസമൊന്ന് പിഴച്ചു.

“ഞാൻ വൃത്തികെട്ടവനാണോ?”

മറുപടി വരും മുന്നേ അവൻ ഒരിഞ്ചുകൂടി അവളോട് ചേർന്നു നിന്നു.

“ആ... ആണല്ലോ.”

മുഖത്തോട്ട് നോക്കാതെയാണവളത് പറഞ്ഞത്.

“ഞാൻ ബോധോം വെളിവും ഇല്ലാത്ത സാധനം ആണോ?”

“അതെ”

“ജന്തു ആണോ?”

“മ്മ്”

“എന്നിട്ടീ ജന്തുവിനെ തന്നല്ലേടീ നീ പ്രേമിക്കുന്നേ?”

അതിന് മറുപടി പറയാതെ മായ ചുണ്ട് കോട്ടി മുഖം തിരിച്ചു.നാണത്താൽ ചുവന്ന അവളുടെ കവിളിൽ പതുക്കെ പിടിച്ചവൻ അവളുടെ മുഖം തന്റെ നേരെ തിരിച്ചു.

“ഹരീ…”

പ്രണയവും കാമവും കൂട്ടിച്ചാലിച്ചൊരു വിളി.

അതിനവൻ ചുണ്ട്