Chapter Title : ഒളിച്ചോട്ടം 6 [KAVIN P.S]

കക്ഷി വല്യ 'വിജയ് ദേവരകൊണ്ട' ഫാനാണ് എനിക്കും പുള്ളിയെ വല്യ ഇഷ്ടമാണ്. അങ്ങനെ ഞങ്ങൾ രണ്ടാളും മലയാളം സബ്ടൈറ്റിൽ ഇട്ട് സിനിമ കാണാൻ തുടങ്ങി. സിനിമയ്ക്കിടയിൽ അനു എന്നെ തോണ്ടി കൊണ്ട്: "അതേ, മോനു നാളെ കഴിഞ്ഞല്ലേ അവരൊക്കെ വരൂന്ന് പറഞ്ഞത്. നമ്മുക്ക് കുറച്ച് സാധനങ്ങളൊക്കെ വാങ്ങുനുണ്ടട്ടോ"

അനു എന്നെ തോണ്ടി കൊണ്ട് നാളെ കഴിഞ്ഞ് അച്ഛനും അമ്മയും നിയാസുമൊക്കെ വരുന്നുണ്ടെന്ന കാര്യം ഓർമ്മിച്ചപ്പോഴാണ് ഞാനാ ആ കാര്യം വീണ്ടും ഓർത്തത്. "വൈകീട്ട് നമ്മുക്ക് ഒരുമിച്ച് പോയി വാങ്ങാം" ന്ന് ഞാനവളോട് പറഞ്ഞിട്ട് വീണ്ടും സിനിമ കാണൽ തുടർന്നു.

സിനിമയിലെ നായകനായ ബോബി (വിജയ് ദേവരകൊണ്ട) നായികയായ ലില്ലിയെ (രാശ്മിക മന്ദാന) പ്രപ്പോസ് ചെയ്യുന്ന സീൻ കണ്ട് കൊണ്ടിരിക്കുമ്പോഴാണ് അനൂനെ ഞാൻ പ്രപ്പോസ് ചെയ്ത ആ ദിവസത്തെ ഓർമകളിലേയ്ക്ക് ഒരിക്കൽ കൂടി ഞാനൊന്ന് മടങ്ങിയത്.

…...*........*.........*..........*......

ഇന്നാണ് വാലന്റൈൻസ് ഡേ. ഞാനെന്റ ഇഷ്ടം അനുവിനോട് തുറന്ന് പറയാൻ പോകുന്ന ദിവസം.
ഇന്ന് എന്റെ കൂടെ കൊച്ചിയിൽ ഔട്ടിംഗിന് വരാന്ന് അവൾ സമ്മതിച്ചിട്ടുണ്ട്. ആ യാത്രയ്ക്കിടയിൽ എന്റെ ഇഷ്ടം അവളോട് പറയണം അതാണ് എന്റെ പ്ലാൻ. പതിവു പോലെ ഞാൻ നേരത്തെ എഴുന്നേറ്റ് ജിമ്മിലേയ്ക്ക് പോയി അവിടത്തെ എക്സർസൈസ്സുകൾക്കിടയിൽ നിയാസിനോടും അമൃതിനോടും ഇന്നവളെ പ്രപ്പോസ് ചെയ്യുന്ന കാര്യത്തെ കുറിച്ച് ഞങ്ങൾ സംസാരിച്ച് കൊണ്ടിരുന്നു.

"നീ ധൈര്യമായിട്ട് പറയെടാ അവളോട് അന്ന് അത്രേം വല്യ പ്രശ്നത്തീന്ന് ഒരു പോറലു പോലുമേൽക്കാതെ രക്ഷിച്ചത് നീയല്ലേ ആ ഒരു ഇഷ്ടം നിന്നോട് അവൾക്കുണ്ടാകും അതുറപ്പാ."
നിയാസ് തറപ്പിച്ച് പറഞ്ഞു.

"എടാ ആദി നീയിന്ന്