Chapter Title : ഓണക്കളി 3 [മിക്കി]

തമാശരീതിയിൽ ചിരിച്ച മുഖത്തോടെ ഞാൻ പറഞ്ഞ് നിർത്തി.

ഞാൻ പറയുന്നത് കേട്ട് എല്ലാവരും ഒരുമിച്ചൊന്ന് ചിരിച്ച്.

“അതൊക്കെ പോട്ടെ..! കോച്ചിയിൽ ആരാ വണ്ടിയായിട്ട് വരുന്നേ..?” എൽദോച്ചായന്റെ ചോദ്യം വിച്ചുവിനോടായിരുന്നു.

“അവിടെ അമ്മാവന്മാര് വരും” വിച്ചു പറഞ്ഞു

“അതിൽ മൂത്ത അമ്മാവനാല്ലെ ഓണത്തിന് പുലികളിക്കൊക്കെ പോന്നെ..? പുള്ളിടെ പേരെങ്ങനായിരുന്നു..?”

“അജി… അജിയമ്മാവൻ” അച്ചായന്റെ ചോദ്യത്തിന് വിച്ചു മറുപടി പറഞ്ഞ ശേഷം വീണ്ടും തുടർന്നു..

“ഉത്രാടം, അവിട്ടം, ഈ 2 ദിവസം പുള്ളി ഫുൾ പുലി ആയിരിക്കും”

“കിടന്ന് ഒറങ്ങുമ്പഴും പുലി വേഷം തന്നെയാണോ..!” അച്ചായൻ പറഞ്ഞ നിലവാരമില്ലാത്ത കോമടികേട്ട് ഞാൻ വെറുതെയൊന്ന് പല്ല് കാണിച്ചു..

കുറേ നേരം ഞങ്ങൾ ചിരിച്ച് കളിച്ച് സംസാരിച്ചിരുന്ന ശേഷം അവിടുന്ന് ലൈറ്റായിട്ട് ഫുഡ്ഡും കഴിച്ച്, ചിന്നുവിനേയും അവിടെ ഏൽപ്പിച്ച്, സമയം 7:00 ആയപ്പോൾ ഞങ്ങൾ ഫ്ലാറ്റിൽ നിന്ന് ഇറങ്ങി, നേരെ എയർപോർട്ടിലേക്ക് ചെന്ന ഞങ്ങൾ അച്ചായനോട് യാത്ര പറഞ്ഞ്  എയർപോർട്ടിനുള്ളിലേക്ക് കയറി.

അകത്തെ ഫോർമാലിറ്റീസ് ഒക്കെ കഴിഞ്ഞ് ഞാനും വിച്ചുവും നേരെ ഫ്ലൈറ്റിലേക്ക് കയറി..

“ഈ ഓണം നിനക്കും എനിക്കും ഒരിക്കലും മറക്കാൻ കഴിയാത്ത, എന്നും ഓർത്തിരിക്കൻ കഴിയുന്ന ഒരു ഓണം ആക്കി തീർക്കണം”..

ഫ്ലൈറ്റ് പുറപ്പെടാൻപോകുന്നു എന്ന് മനസ്സിലാക്കിയ ഞാൻ സീറ്റ്‌ബെൽറ്റ്‌ അരയിലൂടെ ഇട്ട് മുറുക്കിയ ശേഷം വിച്ചുവിനെ നോക്കികൊണ്ട് പറഞ്ഞു..

(തുടരും)

കഥ ഇഷ്ട്ടപെട്ടാൽ ലൈക്ക് ചെയ്യുക…  അഭിപ്രയം എന്തുതന്നെ ആയിരുന്നാലും അറിയിക്കുക..

❤️മിക്കി