Chapter Title : ഓൺലൈൻ ആങ്ങള 8 [ഗില്ലി ബാല]

സിഗ്നൽ കിട്ടിയതോടെ അജ്മൽ പതുക്കെ തന്റെ ഗ്ലാസ് ടീപ്പോയിയിൽ വെച്ചു.

അമ്മു അവന്റെ കൈ കവർന്നു. അവളുടെ ആ വെളുത്ത വിരലുകൾ അവന്റെ കരുത്തുറ്റ കൈകളിൽ കോർത്തു പിടിച്ചപ്പോൾ അജ്മലിന്റെ ശരീരത്തിലൂടെ ഒരു മിന്നൽ പിണർ പാഞ്ഞുപോയത് അവന്റെ മുഖഭാവത്തിൽ വ്യക്തമായിരുന്നു.

അമ്മു അജ്മലിന്റെ കൈപിടിച്ച് ഡാൻസ് ഫ്ലോറിലെ തിരക്കിനിടയിലേക്ക് മറഞ്ഞു. പബ്ബിലെ ആ കനത്ത പുകമറയ്ക്കും വർണ്ണവിളക്കുകൾക്കും ഇടയിൽ അവർ എവിടെയാണെന്ന് എനിക്ക് പെട്ടെന്ന് കാണാൻ കഴിയാതായി. ഞാൻ അവരെ നോക്കി പതുക്കെ കഴുത്ത് നീട്ടുന്നത് കണ്ടപ്പോഴാണ് ഹൻസി തന്റെ വൈൻ ഗ്ലാസ്സുമായി വന്ന് എന്റെ അരികിലെ സോഫയിൽ ഇരുന്നത്.

​ഹൻസി: "എന്താ മഹേഷേട്ടാ... അമ്മുവിനെ അവൻ തട്ടിക്കൊണ്ടുപോകുമോ എന്ന് പേടിച്ചിട്ടാണോ ഇങ്ങനെ നോക്കുന്നത്?

പേടിക്കണ്ട, അതിനുള്ള ധൈര്യം ഒന്നും എന്റെ കെട്ടിയോനില്ല. അവൻ വെറുമൊരു പാവമാ."

​ഹൻസിയുടെ ആ ആത്മവിശ്വാസം കലർന്ന സംസാരം കേട്ട് ഞാൻ ചിരിച്ചുപോയി.

"അമ്മുവിനെ തട്ടിക്കൊണ്ടുപോകാൻ അത്ര എളുപ്പമൊന്നുമല്ല ഹൻസീ, അവൾ ആളെ വേറെയാ. എങ്കിലും ആ പാവം അജ്മൽ അവളുടെ കയ്യിൽ പെട്ട് വിയർക്കുന്നുണ്ടാകുമോ എന്ന് ഞാൻ ആലോചിക്കുകയായിരുന്നു."

​ഞാൻ ഗ്ലാസ്സിലെ മദ്യം ഒന്ന് സിപ്പ് ചെയ്തുകൊണ്ട് ഹൻസിയെ നോക്കി.

"അല്ല ഹൻസീ, നീയെന്താ ഇങ്ങനെ? ഒരു പബ്ബിൽ വന്നിട്ട് ഡാൻസും കളിക്കില്ല, മര്യാദയ്ക്ക് കള്ളും കുടിക്കില്ല... നിനക്കൊന്ന് വൈബ് ആയിക്കൂടെ? എപ്പോഴും ഇങ്ങനെ സൈഡിൽ ഇരുന്നാൽ മതിയോ?"

​ഹൻസി: "ആഗ്രഹം ഇല്ലാതെ അല്ല മഹേഷേട്ടാ... ചെറിയൊരു മടി. നാട്ടിലൊക്കെ ജീവിച്ച ശീലം പെട്ടെന്ന് മാറില്ലല്ലോ. പിന്നെ എനിക്ക് ഈ വലിയ ബഹളങ്ങളോട് അത്ര പൊരുത്തപ്പെടാൻ പറ്റുന്നില്ല."

​ഞങ്ങൾ