Chapter Title : ഒന്നുമറിയാതെ 3 [പേരില്ലാത്തവൻ]

എന്തൊക്കെയോ തപ്പിപിടിക്കുന്നുണ്ട് കൂട്ടിനു നിന്റെ അനിയത്തിയും ഇണ്ട്.

ഓ അപ്പൊ എന്റെ ഉഡായിപ്പ് എന്താണെന്നു കണ്ടുപിടിക്കാൻ ഉള്ള തന്ത്രപ്പാടില്ലാണ്. കിട്ടിയത് തന്നെ.

ഞാൻ റൂമിലേക്ക് കേറുമ്പോൾ ലെച്ചു എന്റെ പഠിക്കുന്ന മേശ തപ്പുകയാണ് കീർത്തി എന്റെ കെടക്കയും. ഞാൻ വന്നതൊന്നും രണ്ടും അറിഞ്ഞട്ടില്ല. ഞാൻ സൗണ്ട് ഉണ്ടാക്കാതെ രണ്ടിനേം പിടിച്ചു വലിച്ചു കട്ടിലിലേക്ക് ഉന്തി. രണ്ടും ഒന്ന് ചെറുതായി പേടിച്ചിട്ടുണ്ട്.

ലെച്ചു : എടാ കാലമാട നിനക്ക് എന്തിന്റെ കെടന്നു എന്റെ നടുവൊടിഞ്ഞു?.

ഞാൻ : പിന്നെ…എന്റെ റൂമിൽ എന്റെ അനുവാദം കൂടാണ്ട് പ്രേവേശിച്ചതും പോരാഞ്ഞിട്ട് എന്റെ രഹസ്യങ്ങൾ തപ്പുന്നോ?

കീർത്തി : അങ്ങനെ നിനക്ക് ഇപ്പൊ ഞങ്ങൾ അറിയാത്ത രഹസ്യങ്ങൾ ഒന്നും വേണ്ട. അല്ലേടി?

ലെച്ചു : അത് തന്നെ. അല്ലെങ്കിലും ഏട്ടന് എന്താണ് ഇത്രയും വല്യ രഹസ്യം.

ഞാൻ : ?അതൊക്കെ ഇണ്ട് മോളെ….

ഞാനും അവരുടെ കൂടെ കട്ടിലുമേ കെയറി കിടന്നു. കീർത്തി എഴുന്നേറ്റു എന്റെ കഴുത്തിൽ കയറി പിടിച്ചു.

കീർത്തി : നിനക്ക് എന്താടാ എന്നിൽ നിന്നും ഇവളിൽ നിന്നും ഒക്കെ മറച്ചുവെക്കണ്ട രഹസ്യം? മരിയാദെക്ക് പറഞ്ഞോ ഇല്ലേൽ (അവൾ ഒന്നുടെ എന്റെ കഴുത്തിൽ കൈ മുറുക്കി)

ഞാൻ : എടി എടി ഞാൻ പറയാം ആദ്യം എന്റെ കഴുത്തിൽ നിന്നു കൈ എടുക്ക്.

അവൾ കൈ എന്റെ കഴുത്തിൽ നിന്നെടുത്ത എന്റെ അടുത്ത് ഇരുന്നു.

കീർത്തി : ഇനി മോൻ പറ..

ഞാൻ : അങ്ങനെ പറയാൻ മാത്രം ഒന്നും ഇല്ല ചെറിയൊരു വൺ സൈഡ് ലവ് അത്രേ ഉള്ളു.

അത് കേട്ടതും കീർത്തിയും ലെച്ചുവും അതിശയിച്ചു മുഖത്തൊടു മുഖം നോക്കി.

ലെച്ചു : ചേച്ചി ഇത് ചേട്ടൻ വെറുതെ പറയുന്നതാ…വേറെ എന്തോ ഉടായിപ്പാ

ഞാൻ : എടി സത്യം ആയിട്ടും വിശ്വാസം ഇല്ലേൽ അമൽ നെ വിളിച്ചു നോക്കിക്കോ.

കീർത്തി : എടാ ഇത് എന്നാലും എങ്ങനെ.. നീ തന്നെ അണോ ഇത്?

അവൾ എന്നെ സൂക്ഷിച്ചു മുഖത്തു കൈ കൊണ്ട് പരുതി എന്റെ കവിൾ ഒക്കെ വലിച്ചു ചോദിച്ചു