Chapter Title : ഓർമ്മകൾക്കപ്പുറം 6 [32B]

സാധ്യതകളെ കുറിച്ച് പഠിക്കുന്നത്. പ്രത്യേകിച്ച് ഇന്ത്യ പോലൊരു ദാരിദ്ര്യം അധികം ഉള്ള രാജ്യത്ത് അവന് ഒരു മാർക്കറ്റ് സെറ്റ് ചെയ്ത് എടുക്കാൻ വലിയ ബുദ്ധിമുട്ട് ഉണ്ടായില്ല.

ആദ്യം ആദ്യം രാജസ്ഥാൻ ഗുജറാത്ത്‌ യൂ. പി പോലുള്ള സ്ഥലങ്ങളിൽ അവിടെ ഏറ്റവും ഒറ്റപ്പെട്ട അല്ലെങ്കിൽ അധികം ദാരിദ്ര്യം അനുഭവിക്കുന്ന ഗ്രാമങ്ങളിൽ ചെന്ന് അവിടെ ഉള്ള വിദ്യാഭ്യാസം ഇല്ലാത്ത ആളുകളെ പണം തരാം എന്ന് പറഞ്ഞു പറ്റിച്ചു ആണ് അവരുടെ അവയവങ്ങൾ ഒക്കെ ഇവൻ കൈക്കലക്കി ഇരുന്നത്.

ഡോണേഴ്സിന് വെറും ആയിരങ്ങൾ മാത്രം കൊടുത്ത് കൈക്കലാക്കുന്ന അവയവങ്ങൾ ആഗോള മാർക്കറ്റിൽ ലക്ഷങ്ങൾക്ക് അവൻ വിൽക്കും. സർജറി കഴിഞ്ഞ് മതിയായ ട്രീറ്റ്മെന്റ് പോലും കിട്ടാതെ പലരും മരിക്കും. എന്നാൽ അവരെല്ലാം ഇത്പോലെ ഉള്ള ഒറ്റപ്പെട്ട സ്ഥലത്ത് നിന്നും ആയിരുന്ന കൊണ്ട് ആ മരണ വാർത്തകൾ എല്ലാം അവിടെ തന്നെ ഒതുങ്ങി നിന്നു. "

"പക്ഷേ.. നിങ്ങൾ എങ്ങനെ ആണ് ഇയാളുടെ പുറകെ ഇറങ്ങി തിരിച്ചത്? എന്തായിരുന്നു അതിനുള്ള മോട്ടീവ്?" ജാനകി അവളുടെ സംശയം മറച്ചുവെച്ചില്ല.

"ഞാൻ ഹരിയാനയിൽ നിന്നാണ്. ഞാനും അതുപോലൊരു ഗ്രാമത്തിൽ ആയിരുന്നു ജനിച്ചു വളർന്നത്. മറ്റുള്ളവരിൽ നിന്നും വ്യത്യസ്തമായിരുന്നു എന്റെ അമ്മയുടെ ചിന്ത. അവർ ഇടക്കിടക്ക് പറയുമായിരുന്നു ആ ഗ്രാമത്തിന് വെളിയിൽ ഉള്ള ലോകത്തെ പറ്റി. അന്നൊന്നും എനിക്ക് ഒന്നും മനസിലായില്ല. പിന്നെ സ്കൂളിൽ പോയി തുടങ്ങിയത് മുതൽ ആണ് എന്റെ ചിന്തകളിലും മാറ്റങ്ങൾ വന്നത്. ഞാനും സ്വപ്‌നങ്ങൾ കാണാൻ തുടങ്ങിയത്. അങ്ങനെ ആണ് ഞാൻ പഠിച്ചു ഒരു ജേർണലിസ്റ്റ് ആയത്.

അതിന് ശേഷം എനിക്ക് എന്നെപോലെ ഒറ്റപ്പെട്ടു