Chapter Title : ഒറ്റ രാത്രിയിൽ മാറിയ ജീവിതം 3 [അധീര]

" ജസ്റ്റിൻ കിടന്നോ.. "
" ആം ഇച്ചായൻ ഉറങ്ങി.. എനിക്ക് ഉറക്കം വന്നില്ല.. പുറത്തേക്ക് ഇറങ്ങിയപ്പോൾ ആണ് ജീവയെ കണ്ടത്. അപ്പോ ശല്യം ചെയ്യാം എന്ന് കരുതി "
അവൾ നുണ കുഴി വിടർത്തി വശ്യമായി ചിരിച്ചു... ശേഷം അവന് അരികിൽ ആയി ഇരുന്നു. രാത്രിയിൽ ഇടുന്ന.. കട്ടി കുറഞ്ഞ ഒരു വെള്ള  ബനിയനും ബ്രൗൺ കളർ ത്രീ ഫോർത്തും ആണ് അവളുടെ വേഷം

" ഒരെണ്ണം അടിക്കുന്നോ.. തണുപ്പിനു ബെസ്റ്റ് ആണ് " ജീവ വോഡ്ക കുപ്പി ഉയർത്തി പിടിച്ചു.
" ഒന്നല്ല..  രണ്ടെണ്ണം അടിച്ചെക്കാം.. "
ചെറിയ ഗ്ലാസിൽ വോഡ്ക നിറച്ചു മിക്സ് ചെയ്ത് ജീവ അവൾക്ക് നൽകി.
ഗ്ലാസിലെക്ക്  ഒന്ന് നോക്കിയ ശേഷം അനഘ ഒറ്റ വലിക്ക് മദ്യം നിറച്ച ഗ്ലാസ്സ് കാലിയാക്കി.. രണ്ട് പേരും പരസ്പരം നോക്കി ചിരിച്ചു.

മേഘങ്ങൾക്കിടയിൽ നിന്നും പുറത്തേക്ക് വന്ന പൂർണ ചന്ദ്രൻ അവിടെ മുഴുവൻ രാവെളിച്ചം പടർത്തി...  ഇപ്പോൾ അവർക്ക്  പരസ്പരം  വ്യക്തമായി കാണാം.
അവളുടെ വശത്തേക്ക് ആയി ഇട്ടിരിക്കുന്ന  മുടിയും നെറ്റിയിലെ  പൊടി സിന്ദൂരവും  നിറഞ്ഞ ചിരിയും അവൻ ശ്രെദ്ധിച്ചു.. പെണ്ണിന്റെ വട്ട മുഖവും തുടുത്ത കവിളുകളും അതിലെ നുണ കുഴിയും നിലാവിൽ തിളങ്ങി...

അനഘ അവളുടെ അലസമായി കിടക്കുന്ന മുടി ഇഴകൾ പതിയെ  ഒതുക്കി വച്ചു.

" ജീവ.. എന്നാ ഒറ്റക്ക് ഇരിക്കുന്നെ.. അവരേം കൂടി വിളിച്ചൂടാരുന്നോ ? "

" ഒറ്റക്ക് ഇരിക്കുന്ന സുഖം വേറെ ഒന്നിനും ഇല്ല അനഘ.. ഈ കാടിന്റെ നിശബ്ദതയും കോട മഞ്ഞും  നിലാ വെളിച്ചവും