Chapter Title : ഒറ്റ രാത്രിയിൽ മാറിയ ജീവിതം 6 [അധീര] [Climax]

ഇഷ്ടമാണോ ??? "  ജീവയെ  മുഴുവൻ ആക്കാൻ സമ്മതിപ്പിക്കാതെ ജസ്റ്റിൻ ഇടയ്ക്ക് കയറി വീണ്ടും ചോദിച്ചു.

"  ജസ്റ്റി  അത് നീ വിചാരിക്കുന്നത് പോലെ.. "

"  അവൾക്ക് നിന്നെ ഇഷ്ടമാണോ ??  എൻറെ ചോദ്യത്തിന് നീ മറുപടി പറഞ്ഞില്ല " ജസ്റ്റിന്റെ സ്വരം തികച്ചും ശാന്തമായിരുന്നു.

" എനിക്കറിയില്ല..!! " ജീവ അലക്ഷ്യമായി മറുപടി കൊടുത്തു.

" ഹ.. ഹാ. ഹാഹ്.. " അവന്റെ മറുപടി കേട്ട് ജസ്റ്റിൻ ഒന്ന് പൊട്ടിച്ചിരിച്ചു. ജസ്റ്റിന്റെ പെരുമാറ്റം ജീവയെ വല്ലാത്ത  ആശയ കുഴപ്പത്തിലാക്കി.

" എന്നോട് ഇപ്പോൾ ഇത്... തുറന്ന് പറയാൻ കാരണം?? " ജസ്റ്റിന്റെ മുഖത്ത് പ്രത്യേകിച്ച് ഭാവ മാറ്റങ്ങൾ ഒന്നുമില്ലാതെ വളരെ ശാന്തമായി.. ഇത്തരത്തിലുള്ള ചോദ്യങ്ങൾ തനിക്ക് നേരെ വരുന്നത്  ജീവയിൽ ചെറിയ അസ്വസ്ഥത ഉളവാക്കി..!!!

താൻ തീരെ പ്രതീക്ഷിക്കാത്ത പ്രതികരണമാണ് ജസ്റ്റിൽ നിന്ന് ഉണ്ടാവുന്നത് എന്നത് അവന്റെ സകല പ്ലാനുകളെയും തകർക്കുന്നതായിരുന്നു...!!

"  നിന്നോട് ഇപ്പോൾ പറയാൻ തോന്നി മാത്രമല്ല..!! " ജീവ ഒരു നിമിഷം നിർത്തി പിന്നെ കൈകൾ കൊണ്ട് മുടി ഒട്ടാകെ ഉലച്ചു.

"  അതുമാത്രമല്ല.. വേറെ എന്താണ് കാരണം ? " പിന്നെയും പ്രത്യേകിച്ച് ഭാവഭേദങ്ങൾ ഒന്നും ഇല്ലാതെ ജസ്റ്റിൻ  ചോദിച്ചു.

ജസ്റ്റിന്റെ ചോദ്യത്തിന് ജീവ മറുപടി കൊടുത്തില്ല..  അവർക്കിടയിൽ കുറച്ച് സമയം മൂകത തളം കെട്ടി നിന്നു.

"  ജസ്റ്റി ഞാൻ പറഞ്ഞ  കാര്യം ഈ ലോകത്തിൽ ഒരു ഭർത്താവും കേൾക്കാൻ ആഗ്രഹിക്കാത്തതാണ്...  പക്ഷേ എനിക്കിനി മുന്നോട്ട് ഒരു ചിന്തയില്ല, മരണത്തെ എനിക്ക് ഭയമില്ല  നാളെ എന്ത് സംഭവിക്കും