Chapter Title : ഒരു ബാംഗ്ലൂർ യാത്ര 2 [Vethalam]

അത് പറ്റില്ലെടാ അയാള് വേറെ പെണ്ണ് കെട്ടി മൂന്നു മക്കളുമുണ്ട് പിന്നെ നിനക്ക് വേറൊരു കാര്യമറിയാമോ

ഈ വീടും സ്ഥലവും നിന്റെ പേരിലായ കൊണ്ടാ അവരിപ്പോഴും അടങ്ങി നിൽക്കുന്നെ ഇല്ലെങ്കിൽ എന്നെയും നിന്നെയും അവരു പണ്ടേ കൊന്നേനെ

ഇതെന്റെ പേരിലാണോ?

അതേടാ പൊട്ടാ ഇവൻ ഇങ്ങനൊരു മണ്ടൻ ഈ വീടും സ്ഥലവും മാത്രമല്ല ഇപ്പൊ നീ പണിയുന്ന കടയില്ലേ അതും നിന്റെ പേരിലുള്ള സ്ഥലമാ

കർത്താവേ എന്നിട്ടാണോ ഞാൻ ഈ നാട് മുഴുവൻ തെണ്ടിയത്

ബാങ്കിൽ കൊടുക്കാൻ വസ്തുവിന്റെ രേഖയില്ലാത്ത കൊണ്ട് ഞാൻ എത്ര പാട് പെട്ടിട്ടാ ബ്ലേഡ് ബാങ്കിൽ നിന്നു ഒടുക്കത്തെ പലിശക്കു ലോൺ ഒപ്പിച്ചേ അതും അവരുടെ എല്ലാ വ്യവസ്ഥയും അനുസരിച്ചു

അപ്പൊ ഇതിന്റെയൊക്കെ ആധാരം എവിടാ ആന്റി

അതെനിക്ക് അറിയില്ലെടാ

തള്ള ചാവും മുൻപ് പറഞ്ഞു കേട്ടിട്ടുള്ള അറിവാ ഇതൊക്കെ

മെറീനയും അവളുടെ ഭീഷണിയും എന്റെ മനസ്സിൽ നിന്നു മാഞ്ഞു പോയി

സത്യമെന്താണെന്നറിയാതെ ഞാൻ പപ്പയെ എത്ര വെറുത്തിരുന്നു എത്ര ശപിച്ചിരുന്നു പാവം പപ്പ

എങ്ങനെ എവിടെ നിന്നു ആരോട് ചോദിച്ചാൽ അറിയാൻ പറ്റും പപ്പ എവിടെയാന്ന്

വസ്തുവിന്റെയൊക്കെ ആധാരം എവിടെയാണ് എന്ന് പപ്പക്ക് അറിയാമായിരിക്കും

മമ്മിയുടെ വീട്ടിലാണേലും ഇപ്പൊ ആരുമില്ല അങ്കിൾ മരിച്ചിട്ട് രണ്ടു വർഷമായി ആന്റി മകളുടെ കൂടെ ജർമനിയിലും വേറെ ആരോട് ചോദിക്കും

പുകയുന്ന ചിന്തകളുമായി ഞാൻ ഇറങ്ങി നടന്നു വാർക്ക നനക്കാൻ പണിക്കാരുണ്ടോ എന്ന് നോക്കിയിട്ട് വരാം

ഡാ കൊച്ചനെ ഒന്ന് നിന്നെടാ

ഒരു പിൻവിളി

ഞാൻ തിരിഞ്ഞു നോക്കി

ഏതോ ഒരു വല്യമ്മച്ചി പ്രാഞ്ചി പ്രാഞ്ചി വരുന്നു

എന്താ അമ്മച്ചി

നീയെങ്ങോട്ടാ പോണേ

ഞാൻ കവല വരെ പോകുവാ അമ്മച്ചിക്കു എന്താ വേണ്ടേ?

എനിക്ക് പത്ത് രൂഭക്കു പൊകല മേടിച്ചു തരാവോ മക്കളെ ഈ വെയിലത്ത് നടക്കാൻ വയ്യ

അതിനെന്താ അമ്മച്ചി ഈ വെയ്റ്റിംഗ് ഷെഡിലോട്ട് ഇരുന്നോ ഞാൻ വരുമ്പോ മേടിച്ചോണ്ട് വരാം

ശരി മക്കളെ മറക്കല്ലേ

ഇല്ല അമ്മച്ചി

ഞാൻ തിരിഞ്ഞു നടന്നു എതാണാവോ ഈ തള്ളയൊക്കെ എന്തായാലും ഇത്രേം പ്രായമുള്ള ആളല്ലേ മേടിച്ചു കൊടുത്തേക്കാം