Chapter Title : ഒരു പ്രതികാര കഥ 1 [ROCKY TRIVANDRUM]

പറഞ്ഞു കൊണ്ടിരുന്നപ്പോൾ എന്റെ ക്ലാസ്സിലെ ഒരു ഫ്രണ്ട് വന്നു. അവൾ കോളേജ് മാറി ചെന്നൈയിലേക്ക് പോകാനുള്ള ഒരുക്കത്തിലാണ്. ഗുഡ്ബൈ പറയാൻ വേണ്ടി വന്നതാണ്.

"ഹലോ റോക്കി, എടാ ഞാൻ നാളെ പോകുവാണ്. കണ്ടില്ലെങ്കിലോ എന്നോർത്ത് ഞാൻ വന്നതാ. നീ ഇങ്ങു വന്നേ  ഒരു കാര്യം പറയട്ടെ". എന്നും പറഞ്ഞു അവൾ എന്റെ കൈ പിടിച്ചു ഇത്തിരി ദൂരേക്ക് മാറിനിന്നു. ഇടയ്ക്കു ഒരു സെക്കന്റ് ഞാൻ തിരിഞ്ഞു അഞ്ജുവിനെ നോക്കി. എന്നോട് സംസാരിച്ചതും കൈ പിടിച്ചതും ഒന്നും ഇഷ്ടപെട്ടിട്ടില്ല എന്ന് മുഖം കണ്ടാൽ തന്നെ അറിയാം. കടന്നാൽ കുത്തിയത് പോലെ വീർത്തു കെട്ടി ഇരിപ്പുണ്ട്.

"എന്ത് പറ്റിയെടീ? എന്ത് പറയാനാ നീ ഇങ്ങോട്ടു മാറി നിന്നെ? ഞാൻ ചോദിച്ചു

"അതേ, ആ കൊച്ചിന് നിന്നെ ഇഷ്ടമാണെന്നു തോന്നുന്നു. അവളെ ഒന്ന് കുരു പൊട്ടിക്കാനാ ഞാൻ നിന്നെ കൈ പിടിച്ചു വിളിച്ചു കൊണ്ട് വന്നത്. നിന്റെ കാര്യം ഇന്ന് പോക്കാ. നോക്കിക്കോ". എന്നും പറഞ്ഞു അവൾ പോയി. ഞാൻ പതുക്കെ തിരിഞ്ഞു നോക്കി. അഞ്ജുവിന്റെ മുഖം ചുവന്നു വീർത്തിരിക്കുന്നു.

"പോണില്ലേ?" അവൾ ചോദിച്ചു

"എങ്ങോട്ടു?" ഞാൻ

"അല്ല കൂടെ പോണില്ലെന്നു? കൈ പിടിച്ചും കൊണ്ടല്ലേ പോകുന്നത് ഓരോരുത്തര്, കാമദേവന്റെ?

"നീ എന്തിനാ ദേഷ്യപ്പെടുന്നെ? ഞാൻ എന്ത് പണ്ടാരം ചെയ്തിട്ടാണ് നീ ഈ ദേഷ്യപ്പെടുന്നെ?"

"നിന്നെപ്പോലത്തെ പൊട്ടനെയൊക്കെ ഇഷ്ടപെട്ട എന്നെ പറഞ്ഞാൽ മതി. ഞാൻ പോകുവാ, എന്നേലും ഓർമ  വന്നാൽ വന്നാൽ മതി ". എന്നും പറഞ്ഞു ചാടിത്തുള്ളി പോകാൻ അവൾ എണീറ്റു. എനിക്കപ്പോഴാ കത്തിയത്. അല്ലേലും ആണുങ്ങൾക്ക് പതുക്കെയല്ലേ ബൾബ്