Chapter Title : ഒരു തുടക്കകാരന്‍റെ കഥ 11

YOU അപ്പുവേട്ടാ “

ഞാൻ അവളെയും മുറുക്കെ കെട്ടി പിടിച്ചു.

“ I LOVE YOU TOO അമ്മുട്ടീ. “

അവൾ എന്നോട് ചേർന്ന് അങ്ങനെ ഇരുന്നു .

പെട്ടന്നാണ് ഡോറിൽ മുട്ടുന്ന സൗണ്ട് കേട്ടത്

“ ചേച്ചി … അമ്മു ചേച്ചി “

ഞങ്ങൾ പരസ്പരം അകന്ന് മാറി നിന്നു . അമ്മു പോയി ഡോർ തുറന്നു . അപ്പോൾ കുഞ്ചുവും ചെറിയമ്മയും വാതിൽ കടന്ന് അകത്തേക്ക് കയറി . അതുലിനെ ഒക്കത്തിരുത്തി കുഞ്ഞമ്മ ചോദിച്ചു.

“ എന്താടി രണ്ടും ഡോർ അടച്ച് ഇതിനുള്ളിൽ പരിപാടി”

“ അത് അപ്പുവേട്ടനൊരു സമ്മാനം കൊടുക്കാൻ “

അത് കേട്ട് കുഞ്ഞമ്മ കണ്ണ് മിഴിച്ചു

“ എന്ത് സമ്മാനം “

“ ഈ ഷർട്ട് എങ്ങനുണ്ട് കുഞ്ഞേ “

ഞാൻ കയറി ചോദിച്ചു.

“ ആഹാ .. ഇത് നീ വാങ്ങിയതാ “

കുഞ്ഞമ്മ അമ്മുവിനോട് ചോദിച്ചു.

“ ആം….. “

ചിരിച്ചുകൊണ്ട് അവൾ മറുപടി നൽകി

“ കൊള്ളാലോ നല്ല ഭംഗിയുണ്ടല്ലോ . നിനക്ക് നന്നായി ചേരുന്നുണ്ട് അപ്പു “

“ ആ ഈ കളർ ഏട്ടന് നല്ല രസമുണ്ട് “

അപ്പോഴേക്കും ചെറിയമ്മയും ചെറിയച്ഛനും വർത്തമാനം പറഞ്ഞുകൊണ്ട് ആ മുറിയിലേക്ക് വന്നു .

അവരെ കണ്ട് കുഞ്ഞമ്മ പറഞ്ഞു

“ നോക്കിക്കേ അമ്മു അപ്പുവിന് വാങ്ങിയ ഷർട്ട് “

“ ആഹാ കൊള്ളാലോ “

“ ടൂർ പോയപ്പോൾ വാങ്ങിച്ചോണ്ട് വന്നതാ “ ചെറിയമ്മ പറഞ്ഞു .

“ നല്ല ഭംഗിയുണ്ടല്ലോ “

ചെറിയച്ഛനും നല്ല അഭിപ്രായം പറഞ്ഞപ്പോൾ അമ്മുവിന് ഭയങ്കര സന്തോഷമായി .അവൾ ചിരിച് പൂത്തുലഞ്ഞു.

“ എത്രയായെടി അമ്മു ഇതിന് “

“ 300 ആയി കുഞ്ഞമ്മേ “

“ നല്ല ഡ്രെസ്സ് സെലക്ഷൻ ഉണ്ട്ട്ടോ അമ്മു നിനക്ക് “

ചെറിയച്ഛന്ടെ ആ പ്രശംസയ്ക്ക് അവൾ പുഞ്ചിരി മറുപടി നൽകി .

8 മണി ആകാറായപ്പോൾ എല്ലാവരും ഒരുമിച്ചിരുന്ന് അത്താഴം കഴിച്ചു. പിന്നെയും കുറച്ച് നേരം വർത്തമാനവും പറഞ്ഞിരുന്നു .

“ പോകാൻ നോക്കാം