Chapter Title : പാപശൽഭം 14 [Shanushinu] [അതിരുവിട്ട ഹണിമൂൺ ഫോട്ടോഷൂട്ട്]

കറുത്ത ലിനൻ ഷർട്ടും കാർഗോ പാന്റ്സും ധരിച്ച്, മുടി പിന്നിലേക്ക് ഒതുക്കിക്കെട്ടി, കുറ്റിത്താടിയും കണ്ണിൽ സൺഗ്ലാസ്സുമായി ഒറ്റനോട്ടത്തിൽത്തന്നെ ഒരു സെലിബ്രിറ്റി ലുക്കുള്ള മനുഷ്യൻ.

രോഹിത് പ്രത്യേകം നിർദ്ദേശിച്ചിരുന്നതുകൊണ്ട് അസിസ്റ്റന്റുമാരെയൊന്നും കൂട്ടാതെ അയാൾ ഒറ്റയ്ക്കാണ് വന്നിരുന്നത്.

"ഹായ് ഷാഹിദ്! കൺഗ്രാജുലേഷൻസ് മാൻ!" ഗൗതം സൺഗ്ലാസ്സ് ഊരി ഷർട്ടിൽ തിരുകിക്കൊണ്ട് ഷാഹിദിന് കൈകൊടുത്തു.

"താങ്ക്യൂ ഗൗതം ഭായ്! വരൂ, അകത്തേക്ക് വരൂ," ഷാഹിദ് അയാളെ ആവേശത്തോടെ സ്വീകരണമുറിയിലേക്ക് ആനയിച്ചു.

അപ്പോഴാണ് അകത്തെ മുറിയുടെ വാതിൽക്കൽ, തലയിലൂടെ തട്ടമിട്ട് നാണത്തോടെ ഒതുങ്ങിനിൽക്കുന്ന ജസ്നയിലേക്ക് ഗൗതമിന്റെ നോട്ടം വീണത്.

ഒരു നിമിഷം ഗൗതം മേനോൻ എന്ന ആ പ്രൊഫഷണൽ ഫോട്ടോഗ്രാഫർ നിശ്ചലനായിപ്പോയി! മുംബൈയിലും ബാംഗ്ലൂരിലും വെച്ച് എത്രയോ മോഡലുകളെയും നടിമാരെയും തന്റെ ക്യാമറയിലൂടെ കണ്ടിട്ടുള്ള ആളാണ് അയാൾ.

പക്ഷേ, മേക്കപ്പ് ഒന്നും തേക്കാതെ, വെണ്ണക്കല്ലിൽ കൊത്തിയെടുത്തതുപോലെ മുന്നിൽ നിൽക്കുന്ന ഈ മഞ്ചേരിക്കാരി പെൺകുട്ടിയുടെ ആ അസാധാരണ സൗന്ദര്യം അയാളെ അക്ഷരാർത്ഥത്തിൽ അമ്പരപ്പിച്ചു!

അഞ്ചടി ഏഴര ഇഞ്ചിലധികം ഉയരമുള്ള ആ പ്രൗഢമായ ശരീരവും, പേടിച്ചരണ്ട മാൻപേടയെപ്പോലുള്ള ആ വലിയ കണ്ണുകളും, കവിളുകളിലെ ഇളം പിങ്ക് തുടിപ്പും അയാളുടെ ഉള്ളിലൂടെ ഒരു മിന്നൽ പായിച്ചു.

'എന്റെ ദൈവമേ... ഇവളൊരു ഒന്നൊന്നര ചരക്കാണല്ലോ! ഇതിനാണല്ലേ രോഹിത് ഏട്ടൻ കാനഡയിലിരുന്ന് ഇത്രയും വലിയൊരു കളി കളിക്കുന്നത്!' ഗൗതം മനസ്സിൽ ഓർത്തു.

സാധാരണ ഗതിയിൽ ഇത്രയും സൗന്ദര്യമുള്ള ഒരു പെൺകുട്ടിയെ ഇങ്ങനെ ഒറ്റപ്പെട്ടൊരു വില്ലയിൽ കിട്ടിയാൽ ഗൗതം തന്റെ പതിവ് ശൈലിയിൽ അവളോട് അടുത്തിടപഴകാൻ ശ്രമിക്കുമായിരുന്നു.

എന്നാൽ കൊച്ചിയിൽ നിന്ന് ഇറങ്ങുന്നതിന് തൊട്ടുമുൻപ് രോഹിത് കുമാർ ഫോണിലൂടെ നൽകിയ ആ