Chapter Title : പാപശൽഭം 19 [Shanushinu] [ജസ്നയെ ബാംഗ്ലൂർ മാടി വിളിക്കുമ്പോൾ]

വിനയത്തോടെ തലകുനിച്ചു.

അവളുടെ മുഖം തട്ടത്തിനുള്ളിൽ കുനിഞ്ഞിരുന്നുവെങ്കിലും, അവളുടെ കണ്ണുകളിൽ അപ്പോൾ ആയിരം നക്ഷത്രങ്ങൾ ഒന്നിച്ച് തിളങ്ങുന്നുണ്ടായിരുന്നു! ഭർത്താവും, ഉപ്പയും, ഉമ്മയും—എല്ലാവരും ചേർന്ന് നിറഞ്ഞ മനസ്സോടെയും അനുഗ്രഹത്തോടെയും തന്നെ ബാംഗ്ലൂരിലെ ആ മണിയറയിലേക്ക് യാത്രയാക്കാൻ തീരുമാനിച്ചിരിക്കുന്നു! ഇനി തനിക്കും രോഹിത് ഏട്ടനുമിടയിൽ വെറും നാൽപ്പത്തിയെട്ട് മണിക്കൂറുകളുടെ ദൂരം മാത്രം!

തിങ്കളാഴ്ച പുലർച്ചെ മഞ്ചേരിയിൽ നിന്ന് ബാംഗ്ലൂരിലേക്ക് പറന്നുയരാനിരിക്കുന്ന ആ വിമാനത്തിന് വേണ്ടി ജസ്‌ന കാത്തിരുന്ന അവസാനത്തെ മുപ്പത്തിയാറ് മണിക്കൂറുകൾ, രണ്ട് ഭൂഖണ്ഡങ്ങളിലായി അരങ്ങേറിയ അതിവിദഗ്ദ്ധമായൊരു നാടകത്തിന്റെ അവസാന അങ്കമായിരുന്നു.

വെള്ളിയാഴ്ച ഉച്ചതിരിഞ്ഞ് കാനഡയിലെ മിസ്സിസാഗയിലുള്ള ആർ.കെ ഗ്രൂപ്പ് ഹെഡ്ക്വാർട്ടേഴ്സിന്റെ മുപ്പതാം നിലയിൽ, ടൊറന്റോ പിയേഴ്സൺ വിമാനത്താവളത്തിലേക്ക് പുറപ്പെടാനുള്ള തയ്യാറെടുപ്പിലായിരുന്നു രോഹിത് കുമാർ.

മുംബൈയിൽ നിന്ന് മടങ്ങിയെത്തി കഷ്ടിച്ച് രണ്ടാഴ്ച പോലും തികയും മുൻപ് രോഹിത് വീണ്ടും ഇന്ത്യയിലേക്ക് തന്നെ പറക്കുകയാണെന്ന് എന്ന് ആരും അറിയാത്തതാണ് നല്ലത് എന്ന് രോഹിതിന് തോന്നിയത് കൊണ്ട് തന്നെ അത് ആരോടും പറയാതെ ആണ് യാത്രയുടെ പ്ലാനിംഗ്.

തന്റെ കറുത്ത ലെതർ കാബിൻ ബാഗ് സെക്യൂരിറ്റി ഓഫീസറുടെ കയ്യിലേക്ക് കൊടുക്കുന്നതിന് മുൻപ്, രോഹിത് ഷാഹിദിനെ തന്റെ ക്യാബിനിലേക്ക് വിളിപ്പിച്ചു.

"രോഹിത് ഏട്ടാ... എയർപോർട്ടിലേക്ക് ഇറങ്ങുകയാണോ?" കയ്യിലൊരു ഫയലുമായി അകത്തേക്ക് കയറിവന്ന ഷാഹിദ് ബഹുമാനത്തോടെ ചോദിച്ചു.

"അതെ ഷാഹിദേ... അഞ്ചു മണിക്കാണ് സൂറിച്ചിലേക്കുള്ള എന്റെ ഫ്ലൈറ്റ്," രോഹിത് കുമാർ തന്റെ കയ്യിലെ പ്ലാറ്റിനം വാച്ചിലേക്ക് നോക്കിക്കൊണ്ട് തികഞ്ഞ ഗൗരവത്തോടെ പറഞ്ഞു. "യൂറോപ്യൻ ഷിപ്പിംഗ് കോർപ്പറേഷനുമായുള്ള നമ്മുടെ പുതിയ ലയനത്തിന്റെ അവസാനവട്ട രഹസ്യ ചർച്ചകൾ അവിടെയാണ് നടക്കുന്നത്. മൂന്ന് ദിവസം സ്വിറ്റ്സർലൻഡിലും, അത് കഴിഞ്ഞ് രണ്ട്