Chapter Title : പാപശൽഭം 4.0 - വഴിത്തിരിവ് [Shanushinu]

ഞാൻ തിരികെ ജോലിക്ക് കയറുമെന്ന് ഉറപ്പ് തരുന്നു.) വലിയൊരു ആശ്വാസത്തോടെ ഷാഹിദ് പറഞ്ഞു.

നാട്ടിൽ പോകാനുള്ള ഏറ്റവും വലിയ തടസ്സമാണ് ആ ഒരൊറ്റ സംസാരത്തിൽ മാറിവന്നത്.

ആ സന്തോഷത്തോടെ ഡ്യൂട്ടി അവസാനിപ്പിച്ച് അവൻ യൂണിഫോം അഴിച്ചുവെച്ചു. നതാഷയോട് യാത്ര പറഞ്ഞ് പുറത്തിറങ്ങുമ്പോൾ രാത്രി മുഴുവൻ ഉറങ്ങാതെ പണിയെടുത്തതിന്റെ ക്ഷീണം അപ്പോഴവന് ഒട്ടും തോന്നിയില്ല.

ലീവ് കിട്ടിയ സന്തോഷം എത്രയും വേഗം റൂമിലെത്തി ഉപ്പയെയും ഉമ്മയെയും അറിയിക്കാനുള്ള തിരക്കിലായിരുന്നു അവൻ്റെ മനസ്സ്. മരവിപ്പിക്കുന്ന തണുപ്പിലേക്കിറങ്ങി ഉറക്കച്ചടവുമായി ബസ് സ്റ്റോപ്പിലേക്ക് നടക്കുമ്പോഴും അവൻ്റെ ഉള്ളിൽ വലിയൊരു ആശ്വാസം ഉണ്ടായിരുന്നു.

തിങ്കളാഴ്ച രാവിലെ എട്ടരയോടെയാണ് ഷാഹിദ് നൈറ്റ് ഷിഫ്റ്റ് കഴിഞ്ഞ് തിരികെ തൻ്റെ ബേസ്മെന്റ് അപ്പാർട്ട്മെന്റിൽ എത്തിയത്. രാത്രി മുഴുവൻ നിന്ന് പണിയെടുത്തതിന്റെ നല്ല ക്ഷീണമുണ്ടായിരുന്നു.

പുറത്ത് കനത്ത മഞ്ഞുവീഴ്ച തുടങ്ങിയിട്ടുണ്ട്. ശബ്ദമുണ്ടാക്കാതെ വാതിൽ തുറന്ന് അകത്ത് കയറിയപ്പോൾ റൂമിൽ നല്ല നിശബ്ദതയാണ്. രാഹുലും അജിംസും മൻസൂറുമൊക്കെ നല്ല ഉറക്കത്തിലാണ്.

കനത്ത വിന്റർ ജാക്കറ്റും മഞ്ഞുവീണ ബൂട്ടും അഴിച്ചുവെച്ച് അവൻ നേരെ ബാത്ത്റൂമിലേക്ക് കയറി. മുഖമൊക്കെ കഴുകി ഒന്ന് ഫ്രഷായി വന്ന് കട്ടിലിലേക്ക് വീഴുമ്പോൾ വല്ലാത്തൊരു ആശ്വാസം തോന്നി.

ശരീരത്തിന് നല്ല ക്ഷീണമുണ്ടായിരുന്നെങ്കിലും മനസ്സിൽ നല്ല സന്തോഷമായിരുന്നു. നാട്ടിൽ സമയത്തിന് പോകാൻ പറ്റുമോ എന്നുള്ള വലിയൊരു പേടിയാണ് അല്പം മുമ്പ് മാനേജർ നതാഷയോട് സംസാരിച്ചതിലൂടെ മാറിയത്.

വന്നു coat എല്ലാം അഴിച്ചു വെച്ച് ഹാങ്കറിൽ തൂക്കിയ ശേഷം കുറച്ചു നേരം ഒന്നു ഹീറ്ററിൻ്റെ ചൂട് പിടിച്ചു, കിടന്നയുടനെ അവൻ ഫോണെടുത്ത് നാട്ടിലേക്ക് വിളിച്ചു.

ടൊറന്റോയിൽ രാവിലെ എട്ടര എന്ന് പറഞ്ഞാൽ നാട്ടിൽ