Chapter Title : പാപശൽഭം 4.0 - വഴിത്തിരിവ് [Shanushinu]

എപ്പോഴും ആളുണ്ടാകും.

ടില്ലിൽ (Till) നിന്ന് കാഷ് വാങ്ങിയും കാർഡുകൾ ടാപ്പ് ചെയ്തും അവൻ വേഗം വേഗം സർവീസ് കൊടുത്തു ഓരോരുത്തരെയും അവൻ ഒഴിവാക്കി വിട്ടു.

ഒരു പത്തുമണിയൊക്കെ ആകുന്നതുകൂടി കടയിലുള്ള തിരക്ക് ക്രമാതീതമായി കുറയും. രാത്രി 11 മണിയാവുന്നതോടുകൂടി സ്റ്റോറിന്റെ മെയിൻ ഗ്ലാസ്സ് ഡോർ അവൻ ലോക്ക് ചെയ്തു അവൻ ഷോപ്പിന് ഷട്ടർ ഇടും.

പിന്നെ കൗണ്ടറിലെ ഗ്ലാസ്സിലുള്ള ചെറിയ ഹോളിലൂടെയായി (Night window) കച്ചവടം മാത്രമാണ് നടക്കുന്നത്. ഷിഫ്റ്റിൽ അവൻ ഒറ്റയ്ക്കായതുകൊണ്ട് സുരക്ഷയ്ക്ക് വേണ്ടിയിട്ടാണ് രാത്രി ഈ രീതിയിൽ ഡ്യൂട്ടി ചെയ്യുന്നത്.

തിരക്കൊന്ന് ഒഴിഞ്ഞ പാതിരാത്രി സമയത്താണ് അവൻ കൂളറിലേക്ക് കയറി പണി തുടങ്ങിയത്. വലിയ കാർട്ടണുകളിൽ വന്ന എനർജി ഡ്രിങ്കുകളും, കൊക്കക്കോളയും, ജ്യൂസുകളും വലിപ്പമനുസരിച്ച് ഫ്രിഡ്ജിലെ ഷെൽഫുകളിൽ അടുക്കിവെക്കുന്ന പണിയായിരുന്നു അത്.

മരവിപ്പിക്കുന്ന ആ തണുപ്പത്ത് നിന്ന് അതെല്ലാം അടുക്കി, സ്റ്റോറിലെ ബാക്കിയുള്ള സാധനങ്ങൾ എല്ലാം റീസ്റ്റോക്ക് ചെയ്യുന്നത് പ്രധാനമായും നൈറ്റ് ഷിഫ്റ്റ് ജീവനക്കാരുടെ ജോലിയാണ്.

അതെല്ലാം തീരുമ്പോഴേക്കും നേരം വെളുപ്പാൻ ആവുമായിരുന്നു. രാവിലെ ആറുമണിക്ക് അവൻ വീണ്ടും സ്റ്റോറിന്റെ മെയിൻ ഡോർ തുറക്കുന്നതാണ് കടയുടെ രീതി. ഷോപ്പിലുള്ള കോഫി മെഷീനിൽ കോഫി വാങ്ങിക്കാനും അതുപോലെ ന്യൂസ് പേപ്പർ വാങ്ങിക്കാനും, പിന്നെ ഗ്യാസ് അടിക്കാനും വരുന്നവരുടെ തിരക്കൊക്കെയായി പിന്നീടങ്ങോട്ട് തിരക്ക് തുടങ്ങും.

ആറര മണിയോടെ ഡേ ഷിഫ്റ്റിനുള്ള സ്റ്റാഫുകൾ വന്നു തുടങ്ങും. പിന്നെ ടില്ലിലെ കണക്കും എല്ലാം പേപ്പറിൽ റെക്കോർഡ് ചെയ്ത് ക്യാഷ് എല്ലാം ഒരു ടിന്നിൽ നിറച്ച് അത് ലോക്കറിലേക്ക് ഇട്ട്, ഷാഹിദ് കൗണ്ടർ log ഔട്ട് ചെയ്തു day ഷിഫ്റ്റ്