Chapter Title : പാപശലഭം 5 ചൂടും തണുപ്പും [Shanushinu]

ശരിക്കും ഞെട്ടിച്ചുകൊണ്ട്, വർഷത്തിൽ 61,000 കനേഡിയൻ ഡോളറിന്റെ (61,000 CAD) ഒരു ഗംഭീര പാക്കേജ് ആണ് ആർ.കെ ഗ്രൂപ്പ് അവന് വാഗ്ദാനം ചെയ്തിരുന്നത്!

നിലവിലെ അവന്റെ അവസ്ഥ വെച്ച് നോക്കുമ്പോൾ അതൊരു ലോട്ടറി അടിച്ചതിന് തുല്യമായിരുന്നു.

നാട്ടിൽ പോവുന്നതിനു മുമ്പ്, അതും കല്യാണം ഉറപ്പിക്കുന്നതിന് മുമ്പായി തന്നെ താൻ പ്രതീക്ഷിച്ചതിനേക്കാൾ വലിയൊരു ശമ്പളത്തിൽ ഒരു പെർമനൻ്റ് ജോലിയിൽ പ്ലേസ് ചെയ്തു കിട്ടിയതിൻ്റെ ആശ്വാസം ഷാഹിദിന് പറഞ്ഞു അറിയിക്കാൻ കഴിയുന്നതിലും അപ്പുറം ആയിരുന്നു.

ഇനി മുന്നിലുള്ളത് നാട്ടിലേക്കുള്ള യാത്രയാണ്. പണ്ട് നാട്ടിൽ നിന്ന് കാനഡയിലേക്ക് ആദ്യമായി വണ്ടി കയറുമ്പോൾ ഉണ്ടായിരുന്നതിനേക്കാൾ വലിയൊരു എക്സൈറ്റ്മെന്റ് ഇപ്പോഴുണ്ട്. കാരണം ഇപ്പൊൾ താൻ ജീവിതത്തിൽ എന്തൊക്കെയോ നേടി എന്നൊരു ഉറച്ച തോന്നലും സാമ്പത്തികമായ ആത്മവിശ്വാസവും ഷാഹിദിൻ്റെ മനസ്സിൽ വന്നിട്ടുണ്ട്.

ഇനി നാട്ടിൽ എത്തിയാൽ, ജസ്നയെ കണ്ട് കല്യാണം ഉറപ്പിച്ചാൽ അത് തീർത്തും പുതിയൊരു ജീവിതത്തിലൊട്ടുള്ള യാത്രയാണെന്ന് ഷാഹിദിന് വ്യക്തമായി അറിയാം.

നാട്ടിലേക്ക് പോകാൻ പ്ലാൻ ചെയ്ത ദിവസം അടുക്കുംതോറും ഷാഹിദിന്റെ ഉറക്കം കുറഞ്ഞുവന്നു. കാനഡയിലെ ഏതൊരു വിദ്യാർത്ഥിയെയും പോലെ നാട്ടിലേക്ക് പോകുമ്പോൾ ഏറ്റവും വലിയ ടാസ്ക് വില കുറഞ്ഞ ഒരു വിമാന ടിക്കറ്റ് കണ്ടുപിടിക്കുക എന്നതാണ്.

ദിവസങ്ങളോളം നൈറ്റ് ഷിഫ്റ്റ് കഴിഞ്ഞ് വന്ന് ഉറങ്ങാതെ ലാപ്ടോപ്പിന് മുന്നിലിരുന്ന് അവൻ ടിക്കറ്റ് തപ്പി. സ്കൈസ്കാനറിലും (Skyscanner), മെയ്ക് മൈ ട്രിപ്പിലും (MakeMyTrip), ഗൂഗിൾ ഫ്ലൈറ്റ്സിലുമായി (Google Flights) പത്തോ ഇരുപതോ ടാബുകൾ ഓപ്പൺ ചെയ്തു വെച്ചുള്ള ആ തിരച്ചിൽ ശരിക്കും ഒരു പ്രവാസിക്ക് മാത്രം

മനസ്സിലാവുന്ന ഒരു പരിപാടിയാണ്. ടൊറന്റോയിൽ നിന്നും ദുബായ് വഴിയുള്ള