Chapter Title : പൈനാപ്പിൾ ലൈം ജ്യൂസ്‌ 2 [ഒറ്റയ്ക്ക് വഴിവെട്ടി വന്നവൻ]

നിന്ന് കണ്ണ് മാറ്റാതെ തന്നെ അവൾ ആ തമിഴ് കലർന്ന ശബ്ദത്തിൽ ചോദിച്ചു:

​"ഏണ്ടാ അപ്പു... ഇപ്പടി പാർത്തിട്ടിരിക്കൻ? പൈനാപ്പിൾ ലൈം ഇപ്പൊ എന്റെ കാലിലാണോ ഇരിക്കുന്നത്?"

​ഞാൻ ഞെട്ടിപ്പോയി!

എന്റെ നോട്ടം അവൾ ഫോണിലൂടെ കണ്ടോ അതോ അവളുടെ ആ ഉണ്ടക്കണ്ണിക്ക് സൈഡിലും കാഴ്ചയുണ്ടോ?

ഞാൻ വേഗം ശ്രദ്ധ മാറ്റാൻ വേണ്ടി മുകളിലെ ആ പ്ലെയിൻ സിലിംഗിലേക്ക് നോക്കി.

​"ഏയ്.. ഞാൻ.. ഞാൻ അത് നോക്കിയതല്ല. നിന്റെ ആ കൊലുസ്സ്... അത് അളിയന്റെ വീടിന്റെ സിലിംഗ് ഡിസൈൻ പോലെ അത്ര മോശമല്ലല്ലോ എന്ന് ആലോചിച്ചതാ!"

ഞാൻ ഒരുമാതിരി ചമ്മി വിക്കി പറഞ്ഞു.

​അനു പതുക്കെ ഫോൺ താഴെ വെച്ചു. എന്നിട്ട് ആ തലയണയ്ക്ക് അപ്പുറത്ത് നിന്ന് എന്നെ ഒന്ന് തുറിച്ചു നോക്കി. അവളുടെ മുഖത്ത് ഒരു ചെറിയ കള്ളച്ചിരി വിരിയുന്നത് ഞാൻ കണ്ടു.

​"അപ്പൂ... റൊമ്പ അധികമാ പോകാതെ. സിലിംഗ് ഡിസൈനും എന്റെ കൊലുസ്സും തമ്മിൽ എന്നാ സംബന്ധം?

നീ എന്റെ കാല് താനേ നോക്കിട്ട് ഇരുന്നിയേ? പുരിഞ്ചു പോച്ച് മോനേ... നിന്റെ മനസ്സിനുള്ളിൽ വല്ല ഇന്റീരിയർ ഡിസൈനും നടക്കുന്നുണ്ടോ?"

​"ഒന്ന് പോടീ ഉണ്ടക്കണ്ണീ! ഞാൻ നിന്റെ ആ പഴയ കണക്ക് ആലോചിച്ചതാ. അന്ന് നീ ഈ കാല് വെച്ചല്ലേ എന്നെ ചവിട്ടി ഓടിച്ചത്? ഇപ്പോഴും അതിന് ഒരു മാറ്റവുമില്ലല്ലോ!"

​അവൾ പതുക്കെ എഴുന്നേറ്റ് ഇരുന്നു. ആ കൊലുസ്സ് ഒന്നുകൂടി കിലുങ്ങി.

​"സരി... വിടു. ആനാ ഇപ്പടി പാർക്കരുത് റൊമ്പ തപ്പ്. നിനക്ക് കൊഞ്ചം ഉറക്കം വരുതില്ലൈ? ബാംഗ്ലൂർ പോകുമ്പോ വണ്ടി ഓട്ട മുടിയാതല്ലോ."

​അവൾ