Chapter Title : പള്ളി മണിക്ക് ശേഷം 2 [Simple Man]

ഉറക്കത്തിൽ നിന്നെപ്പോളോ ഞാൻ കണ്ണ് തുറന്നു.

മനസിലാകുന്നില്ല ഒന്നും . കണ്ണുകൾ തുറന്നിട്ടും ഒരു മങ്ങൽ, മൂടിയ മഞ്ഞോട് കൂടിയ ഒരു പകൽ പോലെ,

തല വെട്ടിപൊളിക്കുന്ന വേദനയും . മരത്തിന്റെ മണം ആദ്യം തന്നെ എന്റെ മൂക്കിലേക്ക് തുളച്ചുകയറി. പഴയ മരം. വർഷങ്ങളോളം മഴയും വെയിലും ഏറ്റ് കറുത്തുപോയ മരം. അതിന്റെ ഈർപ്പം. അതിനൊപ്പം എണ്ണയുടെ മണം. നിലവിളക്കിൽ കത്തുന്ന എണ്ണ. പിന്നെ അല്പം പുക. ചുരുളൻ പുക. ആരോ അടുക്കളയിൽ അടുപ്പ് കത്തിച്ചിരിക്കുന്നു. മീൻ കറിയുടെ മണം അല്പം വരുന്നുണ്ട്. പക്ഷെ അമ്മയുടെ മീൻ കറിയുടെ മണമല്ല ഒട്ടും പരിചിതമല്ലാത്ത ഒരു കൂട്ടം മണങ്ങൾ എന്റെ മൂക്കിലേക്ക് അടിച്ചു കേറി

“എന്ത് മൈരാണ് ഇത്…?”

ശരിക്കും എനിക്ക് ഒന്നും തന്നെ മനസിലാകുന്നില്ലായിരുന്നു . ഒരു കാര്യം മാത്രം എനിക്ക് അറിയാം

ഞാൻ മലർന്നു കിടക്കുകയായിരുന്നു.

തലയ്ക്കൽ ഉറപ്പുള്ള ഒരു മരപ്പലക. കൈകൊണ്ട് തൊട്ടപ്പോൾ പരുപരുത്തതായി തോന്നി.

അതിലൂടെ ഞാൻ വിരലുകൾ ഓടിച്ചു. മരത്തിന്റെ ഞരമ്പുകൾ വ്യക്തമായി എനിക്ക് അനുഭവിക്കാമായിരുന്നു

തലയിണ പരുക്കനാണ്. എന്റെ വിയർപ്പും താരനും സുഖവും ദുഖവും ഒക്കെ അറിയുന്ന വീട്ടിലെ കുഞ്ഞു തലയിണ അല്ല . പഴയതരം പരുത്തി നിറച്ച ചാക്ക് പോലെയൊരു തലയിണ. അത് എന്റെ കവിളിൽ ഉരസുമ്പോൾ ചെറിയ ഒരു ചൊറിച്ചിൽ പോലെ തോന്നി.

ഞാൻ കൈകൊണ്ട് എന്റെ മുഖം തടവി. താടി വളർന്നിട്ടുണ്ട്. ഒന്നോ രണ്ടോ ആഴ്ച പ്രായം വരുന്ന താടി.

മുടിയിൽ തടവി നോക്കിയപ്പോ കുറച്ച നീളം കൂടുതൽ ആണെന്ന് തോന്നുന്നു

“എന്തുവാണോ കർത്താവേ എനിക്ക് സംഭവിക്കുന്നത്. ഏത് കാലിന്റെ ഇടയിൽ ആണ് ഞാൻ ?"

കഴിഞ്ഞ രാത്രി നടന്ന കാര്യങ്ങൾ ഞാൻ ഒന്ന് കൂടെ ഓർത്തു നോക്കി.. കൈ കൊണ്ട് എന്റെ കട്ടിലിൽ ഞാൻ പതിയെ എന്റെ ഫോൺ തിരഞ്ഞു നോക്കി

" മൈര് ഫോൺ എവിടെ"

എന്റെ സ്വന്തം ശബ്ദം എനിക്ക് തന്നെ അപരിചിതമായി തോന്നി. അത് ഈ കുഞ്ഞു മുറിയിൽ മുഴങ്ങി കേട്ടു . ചെറിയ മുറിയാണ്. ശബ്ദം തിരിച്ചു ഞാൻ പറഞ്ഞ