Chapter Title : പള്ളി മണിക്ക് ശേഷം 3 [Simple Man]

മനസ്സിൽ പറഞ്ഞു.

“ചാത്തൻ പണിയെടുത്തു തുടങ്ങി......... "

പക്ഷേ എനിക്കിത് എങ്ങനെ ഉപയോഗിക്കണമെന്ന് അറിയില്ല.

ആ എല്ലാത്തിനും അതിന്റെതായ സമയം ഉണ്ട് ദാസാ എന്നാണല്ലോ .”

അപ്പോഴാണ് നാണു വന്നത്.

“സമയമായി,”

അവൻ പറഞ്ഞു.

“കളത്തിലേക്ക് പോകാം.കാരണവർ കാത്തിരിക്കുന്നു.”

ഞാൻ അവന്റെ പിന്നാലെ നടന്നു.

കഴിഞ്ഞ ദിവസത്തെ പോലെ നേരം അത്രയ്ക്കിരുണ്ടിട്ടില്ല . സർപ്പക്കാവിലേക്കുള്ള വഴിയിൽ പക്ഷെ വെളിച്ചം തീരെ കുറവായിരുന്നു . ആ മുളങ്കാടുകൾ വെളിച്ചത്തെ മറക്കുവായിരുന്നു എന്ന് വേണം പറയാൻ .

അങ്ങിങ്ങായി കത്തുന്ന നിലവിളക്കിന്റെ വെളിച്ചം മാത്രം.

മരങ്ങൾ കാറ്റിൽ ഉലയുന്ന ശബ്ദം മാത്രം അവിടെ മുഴങ്ങി കേൾക്കുന്നുണ്ടായിരുന്നു .

കളത്തിൽ എത്തിയപ്പോൾ കാരണവർ ഇതിനകം അവിടെയുണ്ടായിരുന്നു.

കത്തുന്ന തീപന്തത്തിന്റെ ചുവട്ടിൽ കാരണവർ , ഒരു കളം അവിടെ വരച്ചിട്ടുണ്ടായിരുന്നു .

ചില പൂക്കളും ചന്ദനവും വെച്ചിരിക്കുന്നു.

ഇന്ന് പക്ഷെ അവിടെ കോഴിയെ കണ്ടില്ല

.

നാണു എന്റെ അരികിൽ നിന്നു.

കാരണവർ മന്ത്രങ്ങൾ ചൊല്ലിത്തുടങ്ങി.

ശബ്ദം താഴ്ന്ന്, ഭാരമായി.ഞാൻ കൽത്തറക്ക് സമീപം ആരുടെയോ പ്രേരണയിൽ ഇരുന്നു .

എന്റെ ശരീരത്തിൽ ആ ചൂട് വീണ്ടും പടർന്നു തുടങ്ങിയത് ഞാൻ അറിയാൻ തുടങ്ങി . കാൽമുട്ടുകളിൽ നിന്ന് മുകളിലേക്ക്.

മന്ത്രങ്ങൾ ഉയർന്നു കൊണ്ടേയിരുന്നു ഒരു പതിഞ്ഞ താളത്തിൽ

ആ നിമിഷം എനിക്ക് തോന്നി —

എന്റെ ചുറ്റും എന്തോ ഒരു സാന്നിധ്യം.

തണുപ്പ് അല്ല.

ചൂട്.

ഭാരം.

പിന്നെ ഒരു ശബ്ദം.ഉള്ളിൽ നിന്ന് അല്ല.പുറത്ത് നിന്ന്.വളരെ അടുത്ത് നിന്നും ശരിക്കും പറഞ്ഞാൽ എന്റെ തോളിൽ .

“കേളൂ…”

ഞാൻ തല തിരിച്ചു നോക്കി.