Chapter Title : പരിണയ സിദ്ധാന്തം 3 [അണലി]

വിഷമം കാണും ' അമ്മ ഉപദേശം പോലെ പറഞ്ഞു..?

അതിന് ഞാൻ തലയാട്ടി.

' കല്യാണം കഴിഞ്ഞപ്പോൾ രാവിലെ എഴുനേറ്റു അടുക്കളയിൽ വരാൻ എല്ലാം തുടങ്ങിയോ ' ഷാരോൺ ചേച്ചി അതും പറഞ്ഞു കൊണ്ട്‌ വന്ന് ഒരു കലം എടുത്ത് വെള്ളം നിറച്ചു അടുപ്പിൽ വെച്ചു..?

അതിന് ശേഷം ആ വെള്ളത്തിലോട്ട് കുഞ്ഞിനുള്ള സപ്പ്ളിമെന്റസ് എന്തോ ഇട്ടു..

' അമ്മേ കാപ്പികുള്ള വെള്ളം വെക്കാവോ ' ഷാരോൺ ചേച്ചി അതും പറഞ്ഞു അടുക്കളയിൽ നിന്ന് ചേട്ടനുള്ള ചോറ്റുപാത്രം എടുത്ത് അത് കഴുകാൻ തുടങ്ങി..

' നീ ഇന്ന് കോളേജിൽ പോവുന്നുണ്ടോ ചെക്കാ ' ചേച്ചിയാണ് അത് ചോദിച്ചത് ?

' ഇന്ന് ആ കൊച്ചിന്റെ വീട്ടിൽ ഒന്ന് ചെല്ലാൻ പറഞ്ഞെന്ന്.. അവര് അവിടെ പോയിട്ട് വരട്ടെ ' അമ്മ അത് പറയുന്നത് ഇടയിൽ തന്നെ കാപ്പി ഇടാൻ തുടങ്ങി..

കുറച്ചു നേരെത്തെ കാത്തിരിപ്പിന് ശേഷം എനിക്കും കിട്ടി ഒരു ഗ്ലാസ്‌ കട്ടൻ കാപ്പി ?

ഞാൻ പതിയ ഹാളിലോട്ടു നീങ്ങി.. അവിടെ അച്ഛനും ഉണ്ണി ചേട്ടനും TV കാണുകയാണ്..

ഞാൻ അവരുടെ അടുത്ത് പോയി ഇരുന്നു..

ആണുങ്ങളും പെണ്ണുങ്ങളും തമ്മിൽ ഉള്ള വിത്യാസം അത്താണ്.. മൗനം ഞങ്ങൾക്ക് ഇടയിൽ തട്ടി നിന്നു.. അത് എല്ലാവർക്കും സമാധാനം നൽകി..?

' ഇന്ത്യയിലും കോവിഡ് വന്നെന്നു.. ഇനി എന്നാണോ കേരളത്തിൽ വരുന്നേ ' അച്ഛൻ അത് പറഞ്ഞു ഞങ്ങളെ നോക്കി..

' മോനുന്റെ അവിടെ എങ്ങെന്നുണ്ട് ' ഉണ്ണി ചേട്ടൻ ചോദിച്ചു..

' അവിടെ ഇപ്പോൾ കുഴപ്പം ഒന്നുമില്ല '