Chapter Title : പതറുന്ന പവിത്രത 2 [Caraxes]

“ആഹാ ഗംഭീരം! എനിക്കറിയിരുന്നു നീ വിചാരിച്ചാൽ അത് നടക്കുമെന്ന്. ആട്ടെ എങ്ങോട്ടാ മാറ്റം?”

സുരേഷ് തന്റെ മുണ്ടിന്റെ മടക്കുക്കുത്തിൽ തിരുകിയിരുന്ന സിഗരറ്റ് പാക്കറ്റ് എടുത്തു പുറത്തിട്ട്, അതിൽ നിന്നും ഒരെണ്ണം ചുണ്ടിലേക്ക് വെച്ചു: “അതിപ്പോ നമ്മുടെ പാർട്ടി ഭരിക്കുന്ന സഹകരണ ബാങ്ക് അല്ലേ… അതുകൊണ്ട് പ്രസിഡന്റിനെ നേരിട്ട് കണ്ട് ഞാൻ വളച്ചുകെട്ടില്ലാതെ കാര്യമങ് അവതരിപ്പിച്ചു. പുള്ളിയത് പുഷ്പം പോലെ സമ്മതിച്ചു തരുകയും ചെയ്തു. ജില്ലയുടെ അറ്റത്തുള്ള ഒരു മലയോര ഗ്രാമത്തിലെ ബ്രാഞ്ചിലോട്ടാണ് അവന് മാറ്റം. പോയി വരണമെങ്കിൽ തന്നെ ദിവസവും ഒന്ന് രണ്ടു മണിക്കൂർ എങ്കിലും ബസ്സിൽ കിടന്ന് തിരിയണം! ഇനിയിപ്പോ കാറിൽ പോവാനാണ് അവന്റെ ഉദ്ദേശമെങ്കിൽ അവൻ വണ്ടിക്ക് പെട്രോൾ അടിച്ച് ദാരിദ്രത്തിലാവും ഹഹ..”

ദിനേശന്റെ മുഖത്ത് വന്യമായ ഒരു ക്രൂരചിരി വിരിഞ്ഞു. അവന്റെ മനസ്സിൽ ഇപ്പോൾ ആ മലയോര ബ്രാഞ്ചിലേക്ക് ദിവസവും വലിഞ്ഞു കയറിപോകുന്ന സജീവന്റെ മുഖത്തിന് പകരം സജീവൻ വീട്ടിലില്ലാത്ത ആ നീണ്ട പകൽസമയങ്ങളിൽ വീട്ടിൽ ഒറ്റക്ക്, ഒരു ആണില്ലാതെ വിരസതമായി ഇരിക്കുന്ന അരുണിമയുടെ മുഖമാണ് തെളിഞ്ഞു വന്നത്.

“അവൻ എന്ന് തൊട്ട് അവിടെ ജോയിൻ ചെയ്യും?” ദിനേശൻ ആവേശത്തോടെ ചോദിച്ചു.

“അടുത്ത തിങ്കളാഴ്ച ഓർഡർ അവന്റെ കയ്യിൽ കിട്ടും. പിന്നെ ഒരു രണ്ടാഴ്ചക്കുള്ളിൽ പോകും. എന്നാലും ദിനേശാ, എനിക്കു മനസ്സിലാകാത്തത് അതല്ല..” സുരേഷ് സിഗരറ്റ് കത്തിച്ച് പുക പുറത്തേക്ക് വിട്ടുകൊണ്ട് ദിനേശന്റെ മുഖത്തേക്ക് ഉറ്റുനോക്കി. “അവൻ നിനക്ക് എന്ത് ദ്രോഹമാടാ ചെയ്തത്? പാവം ഒരു ബാങ്ക് ജീവനക്കാരൻ, സ്കൂളിൽ പോകുന്ന രണ്ട് പിള്ളേരുടെ തന്ത. അവനെ ഇവിടുന്ന് ദൂരേക്ക് പായിക്കാനുള്ളതിന്റെ കാര്യമെന്താണ്?”