Chapter Title : ?പെങ്ങളെ പീഢിപ്പിച്ച പഹയൻ? [ലൂസിഫർ]

എന്നു വെക്കാം, പക്ഷെ ചേച്ചിയെ എനിക്കു തീരെ വിശ്വാസമില്ല.. എത്ര നാണംകെട്ട കാര്യമാണെങ്കിലും അവളു പറയും.''

റഹീമിനു ഒന്നും പറയാനുണ്ടായിരുന്നില്ല.

എന്തായാലും ഇനി രാത്രി വീട്ടിലേക്ക് പോയാൽ മതി എന്നു തീരുമാനിച്ചു. വരുന്നിടത്തു വെച്ചു കാണാം. ഉച്ചക്ക് റഹീമിന്റെ വീട്ടിലായിരുന്നു ഊണ്. ഊണു കഴിഞ്ഞ് അവന്റെ അളിയനുമായി കുറച്ചു നേരം സംസാരിച്ചിരുന്നു. റഹീമിനോട് അളിയൻ പോയതിനു ശേഷം പാടത്തേക്ക് വരാൻ പറഞ്ഞ് ഞാനവന്റെ വീട്ടിൽ നിന്നിറങ്ങി.

റഹീമിനോട് പാടത്തേക്ക് വരാൻ പറഞ്ഞെങ്കിലും ഞാൻ അങ്ങാടിയിലേക്കാണ് നടന്നത്. ആദ്യം കൊറിക്കാൻ എന്തെങ്കിലും വാങ്ങണം. എന്നിട്ടു പാടത്തേക്ക് പോകാം. ഞാൻ റോഡിലേക്കു കയറി. അങ്ങാടി ലക്ഷ്യമാക്കി പതുക്കെ നടന്നു. എന്റെ വീട്ടിലേക്കു പോകുന്ന ഇടവഴിയിൽനിന്ന് ഒരു പെൺകുട്ടി റോഡിലേക്ക് കയറുന്നത് ദൂരെനിന്നേ ഞാൻ കണ്ടു. മനസ്സിലൊരു കുളിർമഴ പെയ്ത പ്രതീതി.! അശ്വതിയാണ്, എന്റെ എല്ലാമെല്ലാമായ അച്ചു. അവൾ എന്റെ നേരെ നടന്നടുക്കുന്നു.

ഉച്ച കഴിഞ്ഞ സമയമായതു കൊണ്ട് റോഡ് വിജനമാണ്, ആരും തന്നെയില്ല. ഇവൾ ആ വഴിക്ക് എന്തിനുപോയി.! ഞായറാഴ്ച്ച ആയതുകൊണ്ട് എന്നെ കാണാനാവുമോ.? ഇവളെങ്ങാനും ചേച്ചിയെ കണ്ടിട്ടുണ്ടാവുമോ.?

എന്നും അച്ചുവിനെ കണ്ടാൽ തുള്ളിച്ചാടുന്ന മനസ്സ് ഇന്ന് ആശങ്കാകുലമായി. അവൾ അടുത്തെത്തുന്നതിനു മുൻപുതന്നെ എന്തോ ചീഞ്ഞു നാറുന്ന മണം ഉള്ളിലേക്കടിച്ചു. കടന്നലു കുത്തിയ മുഖമാണെന്നു ഒറ്റ നോട്ടത്തിൽ തന്നെ മനസ്സിലായി. നിമിഷനേരം കൊണ്ട് ഒരു പ്രത്യാക്രമണത്തിനു മനസ്സിനെ തയ്യാറാക്കി. അവളടുത്തു വന്ന് രൂക്ഷമായെന്റെ മുഖത്തേക്ക് നോക്കി. 'എന്തുപറ്റി അച്ചൂ' എന്നു ചോദിക്കാൻ തുടങ്ങിയതായിരുന്നു, പക്ഷേ അതിനു മുൻപ്.

"കൊച്ചുങ്ങള് കാഷ്ടിക്കുന്നിടത്താണ് തന്റെ വേല അല്ലേ.."

നട്ടെല്ലിലൂടെ ഒരു വിറയൽ കടന്നു