Chapter Title : പേരില്ലാത്ത സ്വപ്നങ്ങളിൽ ലയിച്ചു 3 [Malini Krishnan]

പാട്ടിലെ നായിക എന്ന് സങ്കല്പിച്ച ഞാൻ റൂമിലുടെ ഡാൻസ് കളിച്ച നടന്നു. നേരം കൂറേ കഴിഞ്ഞപ്പോ എന്റെ തലച്ചോറും ശരീരവും ക്ഷീണിച്ചു ഞാൻ മെല്ലെ ഉറക്കത്തിലേക്ക് വീണു.

രാവിലെ എണീക്കാൻ പതിവ് പോലെ ഞാൻ വൈകിയിരുന്നു, എണീറ്റപ്പോ തൊട്ട് ഞാൻ ചിന്താവിഷ്ടൻ ആയിരുന്നു, പല്ല് തേക്കുമ്പോളും പിന്നെ വന്ന് ഇരുന്ന് ഭക്ഷണം കഴിക്കുമ്പോഴും അവളുടെ പേര് എന്തായിരിക്കും എന്ന ചിന്തയിൽ തന്നെ ആയിരുന്നു ഞാൻ.

"ഇന്ന് ഉച്ചക്ക് എന്താ കഴിക്കാൻ എന്ന് ആലോചിച് ഇരിക്കുക ആണോ എന്റെ മോൻ." എന്തോ ചിന്തിച് ഇരിക്കാൻ ഞാൻ എന്ന് മനസിലായിട്ട് അമ്മ ചോദിച്ചു.

"അല്ല അത്... അത് ഞാൻ ഒരു ഉത്തരം കിട്ടാതെ ഇങ്ങനെ ഒരു ഇതിൽ ആയി പോയി." എന്നും പറഞ്ഞ ഞാൻ ഭക്ഷണം വീണ്ടും കഴിച്ചു.

"നീ ഇത്ര സീരിയസ് ആയിട്ട് പഠിക്കുന്നത് ആദ്യായിട്ട് കാണാനാലോ ഞാൻ. സാധാരണ എക്‌സാമിന് ഒരു മാസം മുന്നേ ഒക്കെ അല്ലെ നീ ഇത്ര സീരിയസ് ആയിട്ട് നോക്കുന്നത്."

"അത് ഒന്നും അല്ല അമ്മെ ഇത് വേറെ ടൈപ്പ് ഒരു ഉത്തരം ആണ് എനിക്ക് വേണ്ടത്."

ഒരു സംശയത്തോട് കൂടി അമ്മ എന്നെ നോക്കി, ഒന്നും മനസിലായില്ല എന്ന് എനിക്ക് മനസിലായി.

"എടാ ഒരു കാര്യം പറയാൻ മറന്നു, അച്ഛൻ ഇന്ന് രാത്രി നാട്ടിൽ എത്തും. അപ്പൊ നമ്മൾ എയർപോർട്ട് പോയി കൂട്ടണം, എന്നിട്ട് നമ്മൾ നേരെ തറവാട്ടിലേക്ക് പോവണം ഇനി 3-4 ദിവസം അവിടെ ആയിരിക്കും." അമ്മ പറഞ്ഞു.

"അച്ഛന് ടാക്സി പിടിച് പോയ പോരെ, പിന്നെ ഇനി അവിടെ