Chapter Title : പെരുമഴകാലം [Extended and Revised]

എല്ലാവരും നിന്നിരുന്നു. അമ്മയെ കൂടി കണ്ടപ്പോ എനിക്ക് സന്തോഷമായി.

“ആഹ് അമ്മയും വന്നോ?”

ഓടി ചെന്ന് ഞാൻ അമ്മയെ കെട്ടിപിടിച്ചു ചോദിച്ചു.

“ഇവൾ സമ്മതിക്കാതെ വന്നതാ മോനെ.”

“പിന്നെ അമ്മയെ ഒറ്റയ്ക്ക് ഇരുത്തി ഈ രാത്രി ഞാൻ ഇങ്ങ് വരികയല്ലേ.”

“അത് ശരിയാ അമ്മേ.”

ഞാൻ കാർത്തികയുടെ ഒപ്പം കൂടി .

“അളിയോ എന്തുണ്ട്?”

“നല്ലതേ.”

“ഇതാ നേരത്തെ എത്തിയാൽ ഇന്ന് തന്നെ.“

കയ്യിലെ കുപ്പി അളിയനെ ഏൽപ്പിച്ചു ഞാൻ പറഞ്ഞു. ഒളികണ്ണിട്ട് നോക്കി കാർത്തിക ചുണ്ട് കോട്ടി പറഞ്ഞു.

“ഇതിനൊക്കെ പൈസ ഉണ്ട്.”

“പിന്നെ എന്തിനാ ഇല്ലാത്തത്?

അവളെ ചേർത്ത് പിടിച്ചു കൊണ്ട് ഞാൻ ചോദിച്ചു.

“ബൈക്ക്.”

എന്റെ ചെവിയിൽ ആണത് പറഞ്ഞത്.

“അത് ഉറപ്പിച്ചോ.”

ഞാനും അവളുടെ ചെവിയിൽ ആണ് പറഞ്ഞത്.

“എന്താണ് അളിയാ ഉപദേശം ആണോ?”

“ഹേയ്. സോപ്പ്.”

“ഹഹഹ്ഹ. മനസ്സിലായി മനസ്സിലായി.”

പെട്ടി കാറിലേക്ക് കയറ്റുമ്പോ രഞ്ജിത് ചിരിച്ചു കൊണ്ട് പറഞ്ഞു.

“ചേട്ടാ പ്രകാശേട്ടൻ കുടിച്ചിട്ടുണ്ട്.”

കണ്ണുരുട്ടി എന്തോ വലുത് കണ്ടുപിടിച്ച മട്ടിലവൾ വിളിച്ചു പറഞ്ഞു.

“ഫ്ളൈറ്റിൽ നിന്ന് രണ്ടെണ്ണം അതെന്താവാനാ. അതിന് നീ കിടന്ന് കാറി അമ്മയെ അറിയിക്കണോ?”

എനിക്ക് കയറാൻ മുന്നിലെ ഡോർ തുറന്ന അളിയനോട് ഞാൻ പിന്നിലിരിക്കാം എന്ന് പറഞ്ഞു. അഖിൽ ആണങ്കിൽ മിണ്ടിയും പറഞ്ഞും പോകാം. ഇത് അവന് ഓട്ടം ഉള്ളത് കൊണ്ട് വേറെ ആരെയോ ആണ് വിട്ടത്.

അമ്മയും കാർത്തികയും ഇരുന്നപ്പോ തന്നെ ബാക്ക് ഫുൾ. എനിക്കിരിക്കാൻ വേണ്ടി കാർത്തിക ഒന്ന് ഒതുങ്ങിയപ്പോ അമ്മയ്ക്ക് ഇരിക്കാൻ ബുദ്ധിമുട്ടായി. ഞാനൊരു വിധം കയറി ഇരുന്ന് ഡോർ