Chapter Title : പേടിക്കാരി 4 [John]

ഞങ്ങളുടെ അടുത്തേയ്ക്കു വന്നു എന്നോട് പൊയ്ക്കോളാൻ പറഞ്ഞു.
എന്നിട്ട് സീനിയർസിനെ കുറച്ചു നേരം ഉപദേശിച്ചിരുന്നു. ഏട്ടനെ അവർക്ക് ഇഷ്ടം ആയതു കൊണ്ട് അവർ അതിൽ പിന്നെ എന്നോട് ഒന്നും പറഞ്ഞിട്ട് ഇല്ല. അത് മാത്രം അല്ല അന്ന് ഏട്ടൻ എനിക്ക് ഒരു ചായയും വാങ്ങി തന്നിരുന്നു.....

നമ്മൾ തമ്മിൽ ഇങ്ങനെ ഓക്കേ ഉള്ള സംഭവം ഉണ്ടായിട്ട് ഉണ്ടോ.... സംഭവം റാഗിംഗ് എനിക്ക് തീരെ ഇഷ്ടം ഇല്ലാത്ത കാര്യം ആണ്.. സീനിയർസ് ചീത്ത പറഞ്ഞു ജൂനിയർ സ്റ്റുഡന്റസ് കരയുന്നത് കണ്ടാൽ എനിക്ക് ഭയങ്കര വിഷമവും ആണ്. അതിനു കാരണം എന്റെ ജീവിതത്തിൽ ഒരു സംഭവം നടന്നിട്ട് ഉണ്ട്... അത് ഇപ്പൊ പറയുന്നു ഇല്ല.. പിന്നെ അത് വിശദമായി എഴുതാം...

താൻ പിന്നെ എന്റെ കൂടെ ഡ്യൂട്ടിക്ക് കേറിയിട്ട് ഉണ്ടോ.

ഒരു പ്രാവശ്യം കൂടി കേറിയിട്ട് ഉണ്ട്. അന്ന് ഉച്ചക്ക് വാർഡിൽ തിരക്ക് ആയത് കൊണ്ട് ഞാനും ഏട്ടനും കൂടി നേരം വൈകി ഒരു മൂന്ന് മണി ആയപ്പോൾ ആണ് ഭക്ഷണം കഴിക്കാൻ പോയത് . ഭക്ഷണം കഴിക്കാൻ ക്യാന്റീനിൽ നമ്മൾ മാത്രം ആണ് അപ്പൊ ഉണ്ടായിരുന്നത്. ഏട്ടനും ഞാനും അന്ന് ഒരുമിച്ചു ആണ് ഭക്ഷണം കഴിക്കാൻ ഇരുന്നത്.ഞാൻ ഏട്ടനെ അന്ന് അമ്പഴങ്ങ ഉപ്പിൽ ഇട്ടത് ഓക്കേ തന്നിരുന്നു. ഏട്ടനെ അത് ഇഷ്ടം ആണ് എന്നും എന്നോട് പറഞ്ഞിരുന്നു....എന്നെ കുറച്ചു എന്തോ കണ്ടു പിടിച്ച ഭാവത്തിൽ കൊച്ചു കുട്ടികളെ പോലെ ആണ് അവൾ അത് പറഞ്ഞത്....

പിന്നെ എന്നെ താൻ ഇവിടെ വച്ചു ആണോ കാണുന്നത്.... ഞാൻ ചിരിച്ചു കൊണ്ട് അവളോട് ചോദിച്ചു.

അല്ല ഞാൻ പിന്നെയും കുറച്ചു തവണ ഏട്ടനെ അവിടെ വച്ചു കണ്ടിട്ട് ഉണ്ട്....

പിന്നെ ഏട്ടനെ പ്രേമിച്ചിരുന്ന എന്റെ ക്ലാസ്സിൽ ഉള്ളവർ ഏട്ടന്റെ വിശേഷങ്ങൾ ക്ലാസ്സിൽ വച്ചു പറയുന്നതും കേട്ടിട്ടുണ്ട്......

അവർ ഓക്കേ ഇപ്പൊ എവിടെ ഉണ്ട്...

എന്തിനാ... പെട്ടന്ന് തന്നെ ഉള്ള അവളുടെ ഉറക്കെ ഉള്ള മറുപടി കേട്ട് ഞാൻ ഒന്ന് ഞെട്ടി. മുഖം പെട്ടന്ന് ദേഷ്യം വന്ന പോലെ ഉണ്ട്.... അത് കൊണ്ട് അവളെ