Chapter Title : പൂമഴ പെയ്ത തീരങ്ങൾ 2 [സ്പൾബർ]

“ ജോർജേ… അതവന് കാണിച്ച് കൊടുക്ക്…”..

ദേവദാസ് മുരണ്ടു..

ജോർജ് പോക്കറ്റിൽ നിന്നും മൊബൈലെടുത്ത് ഒരു ഫോട്ടോ ബാബുവിന് കാണിച്ച് കൊടുത്തു..

“ഇതാരാന്ന് നിനക്കറിയോ… ?”..

ജോർജാണത് ചോദിച്ചത്..

തന്റെ തന്നെ ഫോട്ടോയിലേക്ക് ബാബുരാജ് പകച്ച് നോക്കി..

“ പറയെടാ… ഇതാരാന്ന് നിനക്കറിയില്ലേ…?”..

ദേവദാസ് കലിപ്പിലാകുന്നതറിഞ്ഞ് ജോർജ് അയാളുടെ കയ്യിൽ പിടിച്ചു..

“ശരിക്ക് നോക്കിയിട്ട് പറ… ഇത് നീയല്ലേ… ?”..

ജോർജ് സൗമ്യമായാണ് ചോദിച്ചത്.. ബാബു മൂളി..

“ഈ ഫോട്ടോ എങ്ങിനെയാ ഞങ്ങൾക്ക് കിട്ടിയതെന്ന് നിനക്കറിയോ… ?”..

“അത്… ഫേസ് ബുക്കിൽ നിന്നെടുത്തതാണോ…?’..

ബാബു പതിയെ ചോദിച്ചു..

“ഈ ഫോട്ടോ നീ ഫേസ് ബുക്കിൽ പോസ്റ്റ് ചെയ്തിരുന്നോ… ?”..

ജോർജ് ഒട്ടും ദേഷ്യപ്പെടാതെ മാന്യമായിട്ടാണ് ചോദിക്കുന്നത്.. ദേവദാസിന് എന്തേലും ചോദിക്കാനുള്ള അവസരം അയാൾ കൊടുത്തതുമില്ല..

“ അതറിയില്ല സാറേ… ഫേസ്ബുക്കിൽ പല ഫോട്ടോയും ഞാൻ പോസ്റ്റ് ചെയ്യാറുണ്ട്… “..

കാര്യം മനസിലാവാതെയാണ് ബാബു സംസാരിക്കുന്നത്..

“ഈ ഫോട്ടോ ഞങ്ങൾക്ക് കിട്ടിയത് ഫേസ് ബുക്കിൽ നിന്നല്ല…ടൗണിലെ എ ടി എം മെഷീനിൽ പതിഞ്ഞതാണ് നിന്റെയീ ഫോട്ടോ… കഴിഞ്ഞ പതിനാലാം തിയ്യതി രാവിലെ പതിനൊന്ന് മണിക്ക് നീയാ എ ടി എമ്മിൽ പോയിട്ടുണ്ട്… അതെന്തിനാ നീ അവിടെ പോയത്… ?”..

ബാബുരാജ് കുറച്ച് നേരം ആലോചിച്ചിരുന്നു..

“ആ… അത് സാറേ… ഇപ്പോ കൂടുതലാൾക്കാരും വർക്ക് ചെയ്യുന്ന പൈസ അക്കൗണ്ടിലേക്കാ തരുന്നത്… എന്റെ പയ്യന്മാർക്ക് പൈസയെടുത്ത് കൊടുക്കാനാ ഞാനവിടെ പോയത്…”’

“എന്നിട്ട് അന്ന് നീയെത്ര രൂപയെടുത്തു….?”...

“ അയ്യായിരം രൂപയാണെന്നാണ് എന്റെ ഓർമ്മ…”..

ജോർജും, ദേവദാസും പരസ്പരം നോക്കി..

“ ഇതൊക്കെയെന്തിനാ നിന്നോട് പറഞ്ഞതും ചോദിച്ചതുമെന്ന് നിനക്ക് മനസിലായോ… ?”..

മൊബൈൽ പോക്കറ്റിലേക്കിട്ട് കൊണ്ട് ജോർജ് ചോദിച്ചു..

“ അതാ ഞാനും ആലോചിക്കുന്നത്… സാറിന്റെ വീട്ടിലെന്തോ വർക്കുണ്ടെന്ന് പറഞ്ഞല്ലേ എന്നെ വണ്ടിയിൽ കയറ്റിയത്… എനിക്കൊന്നും മനസിലായില്ല സാറേ…”..

ബാബുരാജിന്റെ നിഷ്കളങ്കത കണ്ട് ജോർജും, ദേവദാസും ഒരു നിമിഷം പതറി.. ഇനി ഇവനല്ലേ പ്രതി..?.

“ബാബൂ… നിന്നോട് തുറന്ന് പറയാം…

നീ ആ എ ടി എമ്മിൽ കയറിയ അതേ സമയത്ത് അതേ എ ടി എമ്മിൽ നിന്ന് ഈ സാറിന്റെ ഇരുപതിനായിരം രൂപ നഷ്ടപ്പെട്ടിട്ടുണ്ട്… നീയാണ് അതെടുത്തത് എന്നതിനുള്ള എല്ലാ തെളിവും ഞങ്ങൾക്ക് കിട്ടി.. ഞാനൊരു ബാങ്കുദ്യോഗസ്ഥനാ… എന്റെ അന്വോഷണത്തിൽ ഈ സാറിന്റെ ഒറിജിനൽ എ ടി എം കാർഡുപയോഗിച്ചാണ് നീ പണം പിൻവലിച്ചത്… ഇനി