Chapter Title : പൊയ്മുഖങ്ങൾക്കിടയിൽ ഭാഗം 2

അവളുടെ ചെറിയമ്മക്ക് എന്തോ പ്രശ്‌നം ഉണ്ട് എന്ന് മാത്രം മനസ്സിലായി. അവളുടെ അടുത്തു വന്ന് അവളുടെ മൂർധാവിൽ തലോടി സമാശ്വസിപ്പിക്കാൻ ശ്രമിച്ചു.

മഞ്ജുവിന്റെ ജീവിതത്തിലെ ഏറ്റവും വലിയ ആഘാതം ആയിരുന്നു ആ സംഭവം. പിറ്റേന്നു കോളേജിൽ പോകണ്ട സമയം ആയിട്ടും വസ്ത്രം മാറാതെ ഇരുന്ന മഞ്ജുവിനെ കണ്ട് ചെറിയമ്മ കോളേജിൽ പോകുന്നില്ലേ എന്ന് അന്വേഷിച്ചു. അവൾ ഇനി ഒരിക്കലും ആ കോളേജിൽ പോകുന്നില്ല എന്ന തീരുമാനത്തിൽ എത്തിയിരുന്നു. കോളേജിൽ വെച്ചു എന്തോ അനിഷ്ടസംഭവം തന്റെ കുട്ടിക്ക് സംഭവിച്ചു എന്ന് ചെറിയമ്മക്ക് മനസ്സിലായി, പക്ഷെ അവളെ സമാശ്വസിപ്പിച്ചു ആത്മവിശ്വാസത്തോടെ കോളേജിലേക്ക് അയക്കാൻ ഉള്ള പഠിപ്പോ ലോകപരിചയമോ ആ പാവം ചെറിയമ്മക്ക് ഇല്ലായിരുന്നു. ആ വീട്ടിലെ എല്ലാവരും അവളോട് സംസാരിച്ചു, ദൂരത്ത് നിന്ന് മഞ്ജുവിന്റെ അച്ഛനും വന്നു, പക്ഷെ ആ കോളേജിലേക്കില്ല എന്ന മഞ്ജുവിന്റെ ഉറച്ച തീരുമാനത്തെ മാറ്റാൻ അവർക്കാർക്കുമായില്ല.

ഒന്നു രണ്ടാഴ്ച്ച കടന്നു പോയി. മഞ്ജുവിന്റെ അടുത്തേക്ക് അവളുടെ ഏറ്റവും പ്രിയപ്പെട്ട അനിത ചേച്ചി വന്നു, അല്ല മഞ്ജുവിന്റെ അച്ഛൻ വരുത്തി. മഞ്ജുവിന്റെ അച്ഛന്റെ ചേച്ചിയുടെ മകൾ ആണ് അനിത. പണ്ട് അച്ഛനും അമ്മയും.മരിച്ചപ്പോൾ അവളുടെ അച്ഛൻ വീട്ടുകാർ ശമ്പളമില്ലാത്ത ജോലിക്കാരി ആക്കിയതായിരുന്നു അവളെ. അവിടെ നിന്നും മഞ്ജുവിന്റെ അച്ഛൻ കൂട്ടി കൊണ്ട് പോയി പഠിപ്പിച്ചു. ഇപ്പോൾ മുംബൈയിൽ ഒരു അഡ്വേർടൈസിംഗ് കമ്പനിയിൽ ജോലി ചെയ്യുന്നു.

അനിത മഞ്ജുവിന്റെ മുറിയിൽ കയറി വാതിൽ അടച്ചു.

"എന്താടാ എന്റെ സുന്ദരിക്കുട്ടിക്കു പറ്റിയത്."

അനിതയെ കണ്ടതും മഞ്ജു അവളുടെ സങ്കടങ്ങളുടെ കൂമ്പാരം കെട്ടഴിച്ചു. അനിത അവളെ തടയാതെ മുഴുവൻ കേട്ടിരുന്നു.

"എന്നെ