Chapter Title : പ്രാണനാഥൻ നൽകിയ പരമാനന്ത സുഖങ്ങൾ 5 [Teller of tale]

നോക്കിനിൽക്കാനേ പറ്റിയുള്ളൂ.

"ദൈവമേ ഇന്നവന്റെ കാര്യം പോക്കാ". ജ്യോത്സ്ന നെഞ്ചത്ത് കൈ വെച്ചുകൊണ്ട് പറഞ്ഞത്കേട്ട് സാറ സ്ഥബ്ധയായി അവളെ നോക്കി.

ജിത്ത് അകത്തേക്ക് ചെന്ന് പൂട്ടിയിട്ടിരുന്ന ബെഡ്റൂമിന്റെ വാതിൽ പതിയെ തുറന്നു. ആരോ വാതിൽ തുറക്കുന്നു എന്ന് മനസ്സിലാക്കിയ അമിത് ഡോറിൽ നിന്ന് പുറകിലേക്ക് മാറി നിന്നു. വാതിൽ തുറന്ന് ജിത്ത് അമിത്തിനെ ഒന്ന് നോക്കി. പെണ്ണ് ഏൽപ്പിച്ചു കൊടുത്തിട്ടുണ്ട് ഇവന്. നെറ്റി നന്നായി മുഴച്ചു കിടക്കുന്നു.

തുറന്നവാതിലിനപ്പുറം ജിത്തിനെ കണ്ട് ഒരു നിമിഷം അന്ധാളിച്ചുപോയ അമിത് അടുത്ത നിമിഷം ജിത്തിനെ തള്ളി മാറ്റി വെളിയിലേക്കിറങ്ങാൻ ഒരു ശ്രമം നടത്തി. തന്നെ തള്ളിമാറ്റി ഫ്രണ്ട്റൂമിലേക്ക് കുതിക്കുന്ന അമിത്തിന്റെ പിൻകഴുത്തിൽ കുത്തിപിടിച്ചു ജിത്ത് അവനെ വീണ്ടും ബെഡ്റൂമിലേക്ക് തള്ളി.

വേച്ചു വിറച്ചു ബെഡിലേക്ക് വീണ അമിത്തിന്റെ മേലേക്ക് ജിത്ത് ചാടികയറി. ജിത്തിനെ തള്ളി മാറ്റാൻ ശ്രമിച്ച അമിത്തിന്റെ മൂക്കുകൂട്ടി ആദ്യത്തെ പ്രഹരം അവന് കിട്ടി. അലറാൻ ശ്രമിച്ച അമിത്തിന്റെ വായിൽ ബെഡ്ഷീറ് തെള്ളികയറ്റി കരണം പുകച്ചുകൊണ്ട് ഒന്നുകൂടി ജിത്ത് പൊട്ടിച്ചു. ഇനി തല്ലല്ലേ എന്ന് അമിത് കൈകൂപ്പി കേണു. ആരുമില്ലാത്തനേരം നോക്കി ഒറ്റക്കായവളെ കീഴ്പ്പെടുത്താൻ നോക്കിയ അവന്റെ മറുകരണത്തുംകിട്ടി അടുത്തത്.

അവന്റെ ദേഹത്ത് നിന്നും താഴേക്കിറങ്ങി ജിത്ത് അവനെ കോളറിനു കുത്തിപിടിച്ചു എണീപ്പിച്ചു. അവനെ വലിച്ചുകൊണ്ട് ജിത്ത് ഫ്രണ്ട് റൂമിലേക്ക് വന്ന് കതക് തുറന്നു.
അകത്തെന്താ നടക്കുന്നത് എന്നറിയാതെ ആകെ പരിഭ്രമിച്ചുനിന്നിരുന്ന സാറയും ജ്യോത്സ്നയും ആ കാഴ്ചകണ്ടു ഞെട്ടി,

വാതിൽ തുറന്നുവന്ന ജിത്തിനെ നോക്കി.
"അകത്തേക്ക് വാ.." ജിത്ത് അവരെ നോക്കി പറഞ്ഞു. വിറച്ചുകൊണ്ട് അപ്പോളും അമിത് ജിത്തിന്റെ