Chapter Title : പ്രകമ്പനം 🐍ഗന്ധർവ ക്ഷേത്രം🐍 [ഗില്ലി ബാല]

അയാളെ പോയി കണ്ടാ വല്ല മാറ്റവും ഉണ്ടാകുമോ?"

​ശശി (അമ്പരപ്പോടെ): "മുത്തപ്പനോ? ഏത് മുത്തപ്പൻ?"

​വേദിക: "എടാ... പാർട്ടി ഓഫീസിൽ വെച്ച് നീ പറഞ്ഞില്ലേ, മലമുകളിൽ ഏതോ മുത്തപ്പൻ ഉണ്ടെന്നും അവിടെ പോയി പ്രാർത്ഥിച്ചാൽ ബുദ്ധി തെളിയുമെന്നും. അത് സത്യമാണോ?"

​ശശി ഒരു നിമിഷം ആലോചിച്ചു. സത്യത്തിൽ അന്ന് ദേഷ്യം വന്നപ്പോൾ വെറുതെ തട്ടിവിട്ടതായിരുന്നു അത്.

പക്ഷേ പെട്ടെന്ന് അവന്റെ ബുദ്ധിയിൽ ഒരു മിന്നൽ പിണർ പോലെ ഒരു കള്ളത്തരം തെളിഞ്ഞു.

​ശശി (മനസ്സിൽ): "ഹോ... ഇവൾ ഇത് കാര്യമായി എടുത്തോ? ശരി, എന്നാൽ പിന്നെ അങ്ങനെ തന്നെയാകട്ടെ. ഇതിലൂടെ എനിക്ക് അവളെ ഒന്നു ശരിക്ക് കയ്യിൽ കിട്ടുമല്ലോ!"

​ശശിയുടെ മുഖത്ത് ഒരു കുശാഗ്ര ബുദ്ധി തെളിഞ്ഞു. അവൾ അറിയാതെ അവൻ ഒന്ന് പുഞ്ചിരിച്ചു. പുണ്യാളനെ അവളുടെ ജീവിതത്തിൽ നിന്ന് എന്നെന്നേക്കുമായി പുറത്താക്കാനും, അവളെ തന്റെ വരുതിയിൽ കൊണ്ടുവരാനുമുള്ള ഏറ്റവും വലിയ ചാൻസ് ഇതാണെന്ന് അവൻ തിരിച്ചറിഞ്ഞു.

​

വേദികയുടെ സംശയങ്ങൾക്കും ശശിയുടെ കുടിലബുദ്ധിക്കുമിടയിൽ ആ ഫോൺ കോൾ പുതിയൊരു വഴിത്തിരിവിലേക്ക് നീങ്ങി. പുണ്യാലനെ എങ്ങനെയെങ്കിലും മാറ്റിയെടുക്കാൻ വെമ്പുന്ന വേദികയെ തന്റെ കെണിയിൽ വീഴ്ത്താൻ ശശി കരുക്കൾ നീക്കിത്തുടങ്ങി.

​ ഫോൺ സംഭാഷണം തുടരുന്നു

​ശശി (പതർച്ചയോടെ): "അത്... അത് മുത്തപ്പനല്ല വേദികേ. അത് ഒരു ഗന്ധർവ്വൻ ആണ്. നീ തെറ്റിദ്ധരിച്ചതാവും."

​വേദിക: "നീ എന്തൊക്കെയാ ഈ പറയുന്നത് ശശീ? അന്ന് നീ മുത്തപ്പൻ എന്നല്ലേ പറഞ്ഞത്? ഇതിപ്പോ എവിടുന്ന് വന്നതാ ഈ ഗന്ധർവ്വൻ?"

​ശശി: "ഞാൻ അങ്ങനെ പറഞ്ഞോ? ചിലപ്പോൾ നാക്ക് പിഴച്ചതാവും. അവിടെ ഒരു പഴയ ഗന്ധർവ്വൻ കാവുണ്ട്. അവിടെ പോയി പ്രാർത്ഥിച്ചാൽ മനസ്സിനും ശരീരത്തിനും ഒക്കെ ഒരു മാറ്റം വരും. പുണ്യാലന്റെ ഈ സ്വഭാവദോഷം മാറാനും അത് നല്ലതാ."

​വേദിക: "ഇതൊക്കെ നടക്കുമോടാ? എനിക്ക് ഇതിലൊന്നും അത്ര വിശ്വാസമില്ല."

​ശശി: "നടക്കാറുണ്ട്. പക്ഷേ അത്ര ഉറപ്പൊന്നും എനിക്ക് തരാൻ പറ്റില്ല. നിനക്ക് അത്രയ്ക്ക് നിർബന്ധമാണെങ്കിൽ മാത്രം പോയാൽ മതി. ഉറപ്പൊന്നുമില്ല ."

​വേദിക കുറച്ചുനേരം ആലോചിച്ചു. പുണ്യാലനെ കൈവിടാൻ വയ്യ, എന്നാൽ അവന്റെ ഇപ്പോഴത്തെ