Chapter Title : പ്രണയം കഥ പറഞ്ഞ മഞ്ഞുകാല ഡിസംബറിൽ

അറിഞ്ഞുകൂടായിരുന്നെങ്കിലും സുഹൃത്തിൻറെ വീട്ടിലും പരിസരത്തു വച്ചും അവൻ പണ്ടേ അവരെ കണ്ടിട്ടുണ്ടായിരുന്നു . ക്ലാസ്സ് എടുക്കുവാനുള്ള താരതമ്യമില്ലാത്ത..... അസാധാരണ കഴിവ് കൂടാതെ , എല്ലാവരോടും എപ്പോഴും നല്ല സ്നേഹത്തോടും പക്വതയോടും സമഭാവനയോടും പെരുമാറുന്ന സൽസ്വഭാവത്തിനു ഉടമ കൂടി ആയതു കൊണ്ടാവാം ....അവർ തമ്മിൽ എപ്പോഴും നല്ല ആത്മബന്ധം പുലർത്തിയിരുന്നു .

വല്ലാതെ പെട്ടെന്നടുത്തു ...വളരെ ഓപ്പൺ-അപ്പായി എല്ലാവരോടും എപ്പോഴും '' ഹായ് , ഹായ് '' പറഞ്ഞു പോകുന്നൊരു സ്വഭാവത്തിന് ഉടമയല്ലായിരുന്നു അഭി എന്ന അഭിജിത് !. അതിനാൽത്തന്നെ മലമറിയ്ക്കുന്നൊരു സൊഹൃദയ വലയം അവനില്ലായിരുന്നു . എങ്കിലും , എഡ്വേർഡ് , ഷമീർ , ഹരിഗോവിന്ദ് ,ഷാ , മായ , കൃപാ , ശാലിനി തുടങ്ങിയ കുറച്ചു ആത്മാർത്ഥ സുഹൃത്തുക്കൾ അവനുണ്ടായിരുന്നു .

അങ്ങനെ ...കലയ്ക്കും , രാഷ്ട്രീയത്തിനും പഠനത്തിനും മറ്റു കോലാഹലങ്ങൾക്കും ഒപ്പം തളിരണിഞ്ഞതും അണിയാത്തതും ആയ ചെറു വലുത് പ്രേമബന്ധങ്ങൾ ക്യാമ്പസ്സിൽ മൊട്ടിട്ടു ...പുഷ്‌പിച്ചു ...പടർന്ന് ,പന്തലിച്ചു വരുന്ന സമയത്തായിരുന്നു'' മിഡ് ട്ടേം '' എക്‌സസാമിനായി എല്ലാവരും ക്ലാസ്സിൽ നിന്നും കുറച്ചു ദിവസത്തേക്കു പിരിയുന്നത് .

അവധി കഴിഞ്ഞു ക്ലാസ്സ് തുടങ്ങുന്ന ഡിസംബർ ഒന്നിന് ...കാലത്തു ....സാധാരണ പോലെ അഭി ചായകുടി ഒക്കെ കഴിഞ്ഞു, മെല്ലെ കാന്റീനിൽ നിന്നും പുറത്തേക്കിറങ്ങുമ്പോൾ ....അതാ മൂന്ന് പെൺകുട്ടികൾ ഒന്നായി , അവനെതിരെ നടന്നു വരുന്നു . രണ്ട് പേര് ക്ലാസിലെ ചിരപരിചിതർ എങ്കിലും .....വെറുമൊരു കൗതുകത്തിനു അലസമായ് ചുമ്മാതൊന്നു നോക്കി....കൂട്ടത്തിലെ മൂന്നാമത്തെ ആളെ !. ഉയരം കൂടി , ഒത്ത തടിയും ...വെളുത്ത ശരീരത്തിൽ രണ്ടായ്