Chapter Title : പ്രണയപൂർവ്വം അഴകിയലൈല [കണ്ണൻ സ്രാങ്ക്]

എന്തിനോ എന്റെ മനസൊന്നു തുടിച്ചു... പ്രവാസികൾ വരി വരിയായി വരാൻ തുടങ്ങിയിരിക്കുന്നു... കാത്ത് നിൽക്കുന്നവരുടെ സ്നേഹപ്രേകടനങ്ങൾ..... എനിക്കതൊന്നും ശ്രദ്ധിക്കാൻ കഴിഞ്ഞില്ല... എന്തിനോ എനിക്കവളെ എന്റെയായിരുന്ന പാറുവിനെ കാണാൻ തോന്നി...

ഞാൻ കാണാൻ കൊതിച്ച മുഖം അതാ എന്റെ മുന്നിലേക്കെത്തുന്നു... ദൂരെ നിന്നെ ഞാൻ അവളെ തിരിച്ചറിഞ്ഞു... ശ്രീത്വമുള്ള ആ മുഖത്തിന്‌ ഇപ്പോഴും ഒരു മാറ്റവുമില്ല തടി അൽപ്പം കൂടിയതോഴിച്ചാൽ... ട്രോളിയും തള്ളി അവൾ അമ്മയ്ക്കരുകിലേക്ക് വന്നു... അവർ കുഞ്ഞിനെ എടുത്തു... പാറുവിന് മോളാണ്... ഞങളുടെ ആഗ്രഹവും അതായിരുന്നു.. എന്റെ മുഖത്തേക്ക് അവൾ നോക്കിയപ്പോൾ ഒരു പുഞ്ചിരിയെങ്കിലും ഞാൻ പ്രേതീക്ഷിച്ചിരുന്നു.. പക്ഷെ അതുണ്ടായില്ല... ട്രോള്ളിയുടെ നിയന്ത്രണം ഏറ്റെടുത്ത ഞാൻ പാർക്കിംഗ് ഗ്രൗണ്ടിലേക്ക് നീങ്ങി പിന്നാലെ അവരും.. ബൂട്ടിൽ സാധനങ്ങൾ എല്ലാം എടുത്ത് വെച്ചിട്ട് ഞാൻ വണ്ടിയെടുത്തു... അവർ കുശല പ്രേശ്നങ്ങൾ സംസാരിച്ചു കൊണ്ടിരുന്നു

വെളുപ്പിനെ ആയിരുന്നതിനാൽ baypass റോഡും കഴകുട്ടവും ഏറെക്കുറെ ട്രാഫിക് കുറവായിരുന്നു... പിന്നാമ്പുറ കാഴ്ചകൾ പിന്നിലാക്കി ഇന്നോവ മുന്നോട്ടു പൊയ്ക്കൊണ്ടിരുന്നു... ആറ്റിങ്ങൽ കഴിഞ്ഞപ്പോഴാണ് സൗദമിനി അമ്മ പറഞ്ഞത്

" അരുൺ നമുക്ക് ചായ കുടിക്കാം എവിടേലും നോക്കി നിർത്തു... "
ORVM മ്മിൽ കൂടി നോക്കിയ ഞാൻ അവളുടെ മുഖത്ത് ഒരു ഞെട്ടലും, സങ്കടവും മാറി മാറി വിരിയുന്നത് ഞാൻ കണ്ടു... അവൾക്കെന്നെ മനസിലായില്ലായിരുന്നു എന്നെനിക്ക് തോന്നി... അല്ലെങ്കിലും 12 വർഷത്തിന് ശേഷം  കാണുന്ന ആർക്കും എന്നെ മനസ്സിലാകില്ല.... പഴയ ചോക്ലേറ്റ് രൂപം അല്ലല്ലോ ഇപ്പൊ... നന്നേ മെലിഞ്ഞു, മുഖത്ത് വലിയ താടി, അലസമായി ചീകുന്ന മുടി, കരുവാളിച്ച ശരീരം, തുടർച്ചയായുള്ള മദ്യപാനത്തിന്റെ ഫലമായി കുഴിഞ്ഞതും കീഴെ കറുത്ത് മറുക് പോലെയുള്ള  പാടുകളും... ഒരു വർഷത്തിന് മുന്നേ ഇതിലും ഭീകരം ആയിരുന്നു അന്നത്തെ ഫോട്ടോ ഡയറക്ടർ ബ്ലെസ്സി കണ്ടിരുന്നെങ്കിൽ ആട്ജീവിതത്തിൽ ഉറപ്പായും കാസ്റ് ചെയ്തേനെ..

കാപ്പി കുടിക്കാൻ കയറിയപ്പോഴും അത് കഴിഞ്ഞും അവളുടെ കണ്ണുകൾ എന്റെ മേൽ വീഴുന്നുണ്ടായിരുന്നു ഒരു പക്ഷേ ഇത്ര ഭീകരമായ ഒരു അവസ്ഥ എന്നിൽ പ്രതീക്ഷിച്ചു കാണില്ല... അവളുടെ മോൾ കാപ്പിക്ക് ശേഷം മുൻ സീറ്റിൽ വന്നിരുന്നു... 10 വയസു കാണും..

ബോർ അടിച്ച ഞാൻ കുഞ്ഞിനോട് സംസാരിച്ചു...

മോൾടെ പേരെന്താ...?

എന്റെ പേര് അനാമിക... എല്ലാരും  ആമിന്ന് വിളിക്കും...

ഒരു ഞെട്ടൽ എന്നിലൂടെ കടന്നു പോയി.. ആമി ഞങ്ങളുടെ മോൾക്കിടാൻ കരുതി വെച്ചിരുന്ന പേര്... പെട്ടന്ന് ബോധം വീണ്ടെടുത്ത ഞാൻ ചോദിച്ചു..

എത്രെല പഠിക്കുന്നെ..?