Chapter Title : പ്രേമ മന്ദാരം സീസൺ 2 Part 1[കാലം സാക്ഷി]

ഞാൻ വീണ്ടും അവളോട് ചോദിച്ചു.

"എല്ലാരും കൂടി തീരുമാനിച്ചായില്ലേ, ഇനി ഞാൻ എതിർത്തിട്ടെന്താ?" ആഹ് നന്നായി അടുത്ത കലിപ്പ്. അവളുടെ മറുപടി കേട്ട് മമ്മി സാരമില്ല എന്ന് കണ്ണടച്ച് കാണിച്ചു. ഇനി ഇവളുടെ വാശി കണ്ടോണ്ട് നിന്നാൽ ഐഷു പിണങ്ങും അത് കൊണ്ട് തല്ക്കാലം പോയിട്ട് വന്നിട്ട് ഇവളുടെ കാര്യം നോക്കാം എന്ന് ഞാനും തീരുമാനിച്ചു.

ചായ കുടിച്ച് കുറച്ച് നേരം കഴിഞ്ഞ് ഞാൻ ഐഷുവിന്റെ വീട്ടിലേക്ക് പോയി. അവൾ പിണങ്ങി പോയ സ്ഥിതിക്ക് ഞാൻ പോയില്ലെങ്കിൽ പണിയാകും...!

അവിടെ ചെല്ലുമ്പോൾ അമ്മയും അവളും മാത്രമേ ഉണ്ടായിരുന്നുള്ളു. വന്നതിന് ശേഷം മാഡം നേരെ റൂമിൽ പോയി കതകടച്ചെന്നും ചോദിച്ചിട്ട് ഒന്നും പറഞ്ഞില്ലെന്നും അമ്മ പറഞ്ഞു.

"ഐഷു... ഐഷു... കതക് തുറക്ക്." ഞാൻ അവളുടെ റൂമിന്റെ വാതിലിന് മുന്നിൽ നിന്നും വിളിച്ചു. പക്ഷെ നോ രക്ഷ അവളിൽ നിന്നും മറുപടിയൂന്നുമില്ല. ഡോറും തുറക്കുന്നില്ല

"ദേ ഐഷു കളിക്കല്ലേ... നീ തുറക്കുന്നോ അതോ ഞാൻ ചവിട്ടി തുറക്കണോ?" അല്പം ദേഷ്യത്തിൽ തന്നെ ഞാൻ പറഞ്ഞു. അവളിൽ നിന്നും അതിനും മറുപടിയൊന്നും ഉണ്ടായില്ല. പക്ഷെ കുറച്ച് സമയം കഴിഞ്ഞ് വാതിലിന്റെ ലോക്ക് എടുക്കുന്ന സൗണ്ട് കേട്ടു, പക്ഷെ വാതിൽ തുറന്നില്ല.

അവൾ ലോക്ക് എടുത്തു എന്ന് മനസ്സിലായത് കൊണ്ട് അവൾ ഡോർ തുറന്നു എന്നെനിക്ക് മനസ്സിലായി. ഞാൻ ഡോർ തുറന്ന് അകത്ത് കയറി. മാഡം കട്ടിലിൽ കമിഴ്ന്നു കിടക്കുകയാണ്.

"ഡി ഐഷു എഴുന്നേറ്റെ..." കട്ടിലിൽ അവളുടെ അടുത്ത് ഇരുന്ന് കൊണ്ട് ഞാൻ വിളിച്ചു. പക്ഷെ മേഡത്തിന് യാതൊരു മൈന്റുമില്ല.

"ഐഷു..." ഞാൻ അല്പ്പം ശബ്ദം ഉയർത്തി വിളിച്ചു. എന്നിട്ടും ഒരു പ്രതികരണവുമില്ല. ഞാൻ ശ്രദ്ധിച്ചപ്പോൾ അവളിൽ നിന്നും ഒരു ഏങ്ങലിന്റെ ശബ്ദം കേൾക്കുണ്ടുണ്ട്.

പിന്നെ ഒന്നും നോക്കിയില്ല ഞാൻ അവളെ പിടിച്ചു തിരിച്ചു കിടത്തി. അവൾ അല്പ്പം ബലം പിടിച്ചെങ്കിലും ഞാൻ വിട്ടുകൊടുക്കാൻ തയ്യാറായില്ല. അവളെ തിരിച്ചു കിടത്തി മുഖത്തേക്ക് നോക്കിയപ്പോൽ എന്റെ നെഞ്ച് ഒന്ന് കാളി...

പെണ്ണിന്റെ രണ്ട് കണ്ണിൽ നിന്നും വെള്ളം പൈപ്പ് തുറന്ന് വിട്ടത് പോലെ വന്ന് കൊണ്ടിടിക്കുന്നു.