Chapter Title : പ്രിയപെട്ടവൾ [അഫ്സൽ അലി]

"മാപ്പ്... ഞാൻ... ഞാൻ അറിയാതെ... എനിക്ക് നിയന്ത്രിക്കാൻ കഴിഞ്ഞില്ല..."

തുണികൾ വാരിയുടുത്തു നിറക്കണ്ണുകളോടെ നടന്നുനീങ്ങുന്ന അഫ്സൽ പിറകിൽ നിന്നുള്ള സിനിയുടെ വിളികൾ കേട്ടില്ല...

ചെയ്തത് തെറ്റാണെന്ന് തോന്നിയത് കൊണ്ടാണ് അവൻ കരഞ്ഞതെന്ന് മനസ്സിലാക്കി സിനി പുഞ്ചിരിച്ചു...

ചളി പുരണ്ട വസ്ത്രങ്ങൾ വാരിയെടുത്ത് അവൾ കുളിമുറിയിലേക്ക് കയറി. തണുത്ത വെള്ളം ദേഹത്തിലേക്ക് ഒഴുകുമ്പോൾ സിനിയുടെ ചുണ്ടുകളിൽ നാണത്തിൽ പൊതിഞ്ഞ പുഞ്ചിരി വിരിഞ്ഞിരുന്നു.

കിടപ്പറയിൽ കയറി മറ്റൊരു നൈറ്റി അണിഞ്ഞുകൊണ്ട് അവൾ ആ മുറി വിട്ട് ഇറങ്ങി... ഇനിയൊരിക്കലും ആ മുറി തനിക്ക് കിടപ്പറയാവില്ലെന്ന ഉറച്ച തീരുമാനത്തോടെ...

രാവിലെ ജോലിക്ക് ഇറങ്ങുന്നതിനു മുൻപ് പലതവണ അവൾ അഫ്സലിന്റെ ഫോണിലേക്ക് വിളിച്ചെങ്കിലും അവളുടെ കാളുകൾക്ക് അവൻ മറുപടി നൽകിയില്ല... വൈകി കിടന്നതുകൊണ്ട് ക്ഷീണത്തിൽ ഉറങ്ങുകയാവും ചെക്കൻ എന്ന് സാമാധാനിച്ച സിനിയെ നിരാശപ്പെടുത്തികൊണ്ട് അടുത്ത മൂന്ന് ദിവസങ്ങളിലും അവളുടെ വിളികൾക്ക് മറുപടി നൽകാതെ അവൻ കഴിച്ചുകൂട്ടി...

കണ്ണുനീർ പൊഴിച്ചുകൊണ്ട് ഇരിക്കുന്ന സിനിയെ കണ്ട് ഉള്ളു നീറിക്കൊണ്ടാണ് അവൻ അവളുടെ വീട് വിട്ട് ഇറങ്ങിയത്... തന്നെ ജീവനെപ്പോലെ കാത്തുസൂക്ഷിച്ച പെണ്ണിനോട് പൊറുക്കാൻ വയ്യാത്ത കൊടും പാപം ചെയ്തെന്നു വിശ്വസിച്ച് അവനാ വീട്ടിൽ കഴിച്ചുകൂട്ടി... അവളോടൊന്ന് മാപ്പിരക്കാൻ പോലും തനിക്ക് യോഗ്യതയില്ലെന്ന് തോന്നിയിരുന്നു അവനു.

നാലാം നാൾ ജോലിക്കായി ഇറങ്ങിയ സിനി ഓട്ടോയിൽ വന്നിറങ്ങിയത് അഫ്സലിന്റെ വീട്ടുപടിക്കൽ ആയിരുന്നു. നിർത്താതെയുള്ള ബെല്ലടി ശബ്ദം കേട്ട് വാതിൽ തുറന്ന അഫ്സൽ സിനിയുടെ കോപം കൊണ്ട് വിറക്കുന്ന മുഖം കണ്ട് തല കുനിച്ചു.

കണ്ണുകൾ നിറഞ്ഞൊഴുകുന്ന അഫ്സലിനെ തള്ളിമാറ്റിക്കൊണ്ട് അവൾ അകത്തു കടന്നു. ഉള്ളിലേക്ക് കടന്ന് വാതിൽ കൊട്ടിയടച്ചു അവന്റെ മുന്നിലേക്ക് കയറി നിന്ന സിനിയുടെ കൈ അവന്റെ കവിളിൽ ആഞ്ഞു പതിച്ചു. വേദനയിൽ പുളഞ്ഞുപോയെങ്കിലും അവനാ വേദന കടിച്ചമർത്തി. കണ്ണുനീർ ഒലിപ്പിച്ചു നിൽക്കുന്ന അഫ്സലിനെ അവൾ ദേഷ്യത്തോടെ നോക്കി.

"എവിടായിരുന്നെടാ പട്ടീ നീ? നിനക്ക് ഞാൻ വിളിച്ചാൽ ഫോൺ എടുത്തൂടെ?"

"മുഖത്തേക്ക് നോക്കെടാ... എന്നോട് മിണ്ടാതിരിക്കാൻ മാത്രം നിന്നോട് ഞാൻ എന്ത് തെറ്റാടാ ചെയ്തേ? അതോ ഒറ്റ രാത്രി കൊണ്ട് നിനക്കും എന്നെ മടുത്തോ?"

അവന്റെ ഇരുകവിളിലും മാറി