Chapter Title : ?പുലിവാൽ കല്യാണം 4? [Hyder Marakkar] [Climax]

അറിഞ്ഞ് വെച്ചിട്ടുണ്ട്...... “വാ.........”. ഞാൻ അവളെയും വിളിച്ചുകൊണ്ട് ഹോട്ടലിലേക്ക് കയറി, വല്യ കാര്യത്തിൽ ദോശ വേണമെന്ന് പറഞ്ഞെങ്കിലും ഇപ്പോഴും മുഖത്തെ ഗൗരവം മാറിയിട്ടില്ല രണ്ട് മസാല ദോശ ഓർഡർ ചെയ്ത ശേഷം ഞാൻ മീനൂനെ തന്നെ നോക്കി ഇരുന്നു, പെണ്ണ് എന്നെ നോക്കാതെ ഫോണിൽ തന്നെ നോക്കി ഇരിപ്പാണ്...... എന്തായാലും രാവിലെ ദോശ കിട്ടാഞ്ഞ വിഷമം ഇപ്പോ മാറി കിട്ടി, പക്ഷെ വേറെ കാര്യമായിട്ട് എന്തോ ഇപ്പോ കിട്ടിയിട്ടുണ്ട്.... അതാണ് ഇങ്ങനെ മുഖം വീർപ്പിച്ച് ഇരിക്കുന്നത്. ഞാൻ ഒന്ന് വായ നോക്കി ഇരുന്നതിന് ഇവൾ ഇങ്ങനെ ചൂടാവില്ല, അതൊക്കെ എന്റെ മീനൂസ് ഒരു സ്പോർട്സ് മാൻ സ്പിരിറ്റിൽ എടുത്തോളും, ഇത് വേറെ എന്തോ ആണ്.... “അതെ മീനൂസേ എന്താ കാര്യം, എന്തിനാ ഇങ്ങനെ മുഖം വീർപ്പിച്ച് ഇരിക്കുന്നേ??” അവസാനം സഹിക്കെട്ട് ഞാൻ ചോദിച്ചു “ഒന്നുല്യാ.....” ഫോണിൽ നിന്ന് കണ്ണ് എടുക്കാതെ തന്നെയാണ് മീനു മറുപടി തന്നത് “ദേ പെണ്ണേ........ ആ സാധനം ഞാൻ എറിഞ്ഞ് പൊട്ടിക്കും കേട്ടോ....... ഇങ്ങോട്ട് നോക്ക്” ഞാനും അല്പം ഗൗരവം നടിച്ചതോടെ മീനു ഫോൺ മാറ്റി വെച്ചിട്ട് എന്നെ പരിഭവത്തോടെ നോക്കി....

“എന്താ മീനൂസേ.......... പറയെടാ” “അതില്ല്യേ....... ഞാൻ ക്ഷേതത്തിൽ വെച്ച് ഞങ്ങളെ വീട്ടിന്റെ അടുത്തുള്ള അഞ്ചൂനെ കണ്ടു, അവള് പറയാ //നിന്റെ മറ്റവൻ അതാ അവിടെ ക്ഷേത്രത്തിലേക്ക് വരുന്ന പെണ്ണുങ്ങളെ ഒന്നും വഴി നടക്കാൻ സമ്മതിക്കുന്നില്ല, ഇങ്ങനെ പോയ നീ ഇല്ലാത്തപ്പോൾ അവൻ ഇനിയും മതില് ചാടും// ന്ന്‌........ ജന്തു, അവൾ ആരാന്നാ അവളെ വിചാരം..... എന്റെ ചെക്കനെ പറ്റി അങ്ങനെ