Chapter Title : പുതു ജീവിതം [മന്ദന് രാജ]
' ഇക്ക ...നമുക്ക് ദേവികുളം റൂട്ടിലെക്കാ പോകണ്ടേ "
വണ്ടി ടൌണിലേക്ക് തിരിയുന്നത് കണ്ട താര പറഞ്ഞു ... ഷാമോന് പാലത്തിലേക്ക് വണ്ടി തിരിച്ചു
" ഈ റൂട്ടില് അല്ലെ നമ്മളു വന്നെ ...?"
"ഹമം ...മൂന്നാര് ടൌണിലൂടെ ഒന്ന നടക്കാന് വേണ്ടി ....."
" എന്നിട്ട് നടന്നോ ?"
"നാളെ ആവട്ടെ .... "
താര അവനു വഴി പറഞ്ഞു കൊടുത്തു . വണ്ടി ഹോട്ടലിന്റെ പാര്ക്കിങ്ങില് എത്തിയപ്പോള് സെക്യൂരിറ്റി വന്നു വാതില് തുറന്നു .
" സാര് ...കീ തന്നാല് മതി ...ഞാന് ലഗ്ഗേജ് കൊണ്ട് വന്നേക്കാം " താരയും ഷാമോനും റിസപ്ഷനിലേക്ക് കയറി . താര ലെഡ്ജറില് ഒപ്പിട്ടു
" മാഡം... ... എല്ലാം റെഡിയാണ് ... നിങ്ങള് പോന്നോളൂ " റിസപ്ഷനിലെ ബോയ് അവരുടെ മുന്നേ നടന്നു ... അല്പം നടന്നിട്ടാണ് അവര് ആ കൊട്ടെജില് എത്തിയത്
" മാഡം ...ഫുഡ് എത്തിച്ചെക്കട്ടെ ?"
" ഹമം .." താര അകത്തേക്ക് കയറി , ഷാമോനും ... ഹാളിലെക്കാണ് കയറി വരുന്നത് ... ഹാളിന്റെ ഇരു വശത്തും രണ്ടു മുറികള് ഉണ്ട് ...
ഷാമോന് ഒരു മുറി തുറക്കാന് തുടങ്ങിയപ്പോള് താര അവനെ വിലക്കി
" ഒരു മിനുറ്റ് ..കേറല്ലേ " താര അവനെ അവിടെ നിര്ത്തി മുറിയിലേക്ക് കയറി , ലൈറ്റിട്ടു നോക്കിയിട്ട് തിരിച്ചിറങ്ങി
" ഇവിടെ വേണ്ട ...ആ മുറി മതി " ഷാമോന് അപ്പുറത്തെ മുറിയിലേക്ക് കയറി ..
അവന് ബാത്രൂമില് കയറി ഒന്ന് ഫ്രെഷായപ്പോഴേക്കും ഫുഡ് വന്നിരുന്നു .... ചപ്പാത്തിയും ചിക്കനും സൂപ്പും പിന്നെ കുറച്ചു പഴങ്ങള് ഒരു ട്രേയിലും...
" മാഡം ....പാല് ഫ്ലാസ്കിലുണ്ട്" റൂം ബോയിക്ക് അവള് ബാഗില് നിന്ന് നൂറു രൂപാ കൊടുത്തപ്പോള് അവനു സന്തോഷമായി
" രാവിലെ വിളിക്കണ്ട ....പക്ഷെ ഫ്ലാസ്കില് ചായ കിട്ടുമോ ?"
" വാതിലിന്റെ ചുവട്ടില് വെച്ചേക്കാം മാഡം "
അവന് പോയപ്പോള് താര പഴങ്ങള് വെച്ച ട്രേയും ഫ്ലാസ്കും എടുത്തു ആദ്യത്തെ മുറിയിലേക്ക് പോയി .
💬 Comments
View all comments