Chapter Title : അവിചാരിത വഴിത്തിരിവുകൾ [രതിമന്മഥൻ]

നല്ല സാധനം തന്നെ തരാം," എന്ന് പറഞ്ഞ് മൊയ്തീക്ക പ്രത്യേകം മാറ്റി വെച്ചിരുന്ന നല്ല ആട്ടിറച്ചി വെട്ടിപ്പതിച്ച് പായ്ക്ക് ചെയ്തു നൽകി.

അവിടുന്ന് ഇറങ്ങി അവൻ നേരെ പോയത് തീരദേശത്തുനിന്ന് നേരിട്ട് മീൻ എത്തിക്കുന്ന വലിയ മീൻ മാർക്കറ്റിലേക്കാണ്. അവിടെനിന്ന് കടലിൽ നിന്ന് അന്നുതന്നെ പിടിച്ച ഫ്രഷ് നെയ്മീനും വലിയ കൊഞ്ചുകളും വാങ്ങി.

മീനിന്റെ ചെകിള പൊക്കി നോക്കി ഫ്രഷ്നസ് ഉറപ്പുവരുത്താൻ അവൻ മറന്നില്ല. തുടർന്ന് തൊട്ടടുത്തുള്ള ജൈവ പച്ചക്കറി കടയിൽ കയറി നല്ല ഫ്രഷ് തക്കാളി, പച്ചമുളക്, സവാള, ഇഞ്ചി, വെളുത്തുള്ളി, പുതിനയില, മല്ലിയില തുടങ്ങിയവയും വാങ്ങി.

എല്ലാ സാധനങ്ങളും വാങ്ങി കാറിന്റെ പുറകിലെ സീറ്റിലും വലിയ ഡിക്കിയിലുമായി അവൻ ഭദ്രമായി എടുത്തുവെച്ചു. കവറുകളും ബോക്സുകളും മറിഞ്ഞു വീഴാത്ത രീതിയിൽ അറേഞ്ച് ചെയ്തു വെക്കുമ്പോൾ റസിയത്ത പറഞ്ഞ ഒരു സാധനവും വിട്ടുപോയിട്ടില്ലെന്ന് അവൻ ഉറപ്പുവരുത്തി.

കടക്കാരുടെ ബില്ലുകൾ കൃത്യമായി പരിശോധിച്ച്, തന്റെ പേഴ്സിൽ നിന്നും പണം നൽകി, രസീതുകൾ കൃത്യമായി സൂക്ഷിച്ചു. ഷബീറിക്കയോ നൗഫലിക്കയോ ഒരുകാലത്തും കണക്കുകൾ ചോദിക്കാറില്ലെങ്കിലും, ഓരോ പൈസയുടെയും കണക്ക് കൃത്യമായി സൂക്ഷിക്കുന്നത് തന്റെ കടമയാണെന്ന് അവൻ വിശ്വസിച്ചിരുന്നു.

വണ്ടി വീണ്ടും സ്റ്റാർട്ട് ചെയ്ത് ടൗണിന്റെ ബഹളങ്ങളിൽ നിന്ന് മാറി, ഷബീറിന്റെ വലിയ ബംഗ്ലാവ് സ്ഥിതി ചെയ്യുന്ന പ്രശാന്ത സുന്ദരമായ പ്രദേശത്തേക്ക് അവൻ വണ്ടിയോടിച്ചു.

റോഡിനിരുവശവും പച്ചപ്പു നിറഞ്ഞ കാഴ്ചകൾ. ആ വഴിയിലൂടെ പോകുമ്പോൾ അവൻ താൻ മേൽനോട്ടം വഹിക്കുന്ന മറ്റു പറമ്പുകളെക്കുറിച്ചും ചിന്തിച്ചു. തെങ്ങുകൾക്ക് തടമെടുക്കാനും നേന്ത്രവാഴകൾക്ക് മുട്ടുകുത്താനും സമയം കഴിഞ്ഞിരിക്കുന്നു. അടുത്ത ആഴ്ച അതിനുള്ള പണിക്കാരെ ഏർപ്പാടാക്കണം.

ഏകദേശം പതിനഞ്ചു