Chapter Title : രണ്ട് സുന്ദരികൾ [Amal Srk]

ഐശ്വര്യ ചോദിച്ചു.

" അതെ. ഈ വയസ്സാൻ കാലത്ത് എന്നെ ഇവിടെ ഒറ്റയ്ക്കാക്കിയിട്ട് നാട്ടില് പൊറുതിക്ക് പോക്ക് എന്റെ കെട്ടിയോൾടെ സ്ഥിരം ഏർപ്പാടാ… "

അയാൾ ഭാര്യയെ കുറ്റപ്പെടുത്തിക്കൊണ്ട് പറഞ്ഞു.

അതുകേട്ട് ഐശ്വര്യയും, നമിതയും പുഞ്ചിരിച്ചു.

" അല്ല.. ഞാൻ ചോദിക്കാൻ വിട്ടുപോയി.. എന്താ വിശേഷിച്ച്..? "

കേശവൻ ചോദിച്ചു.

" അത് പിന്നെ കേശവൻ മാമാ… "

അവർക്ക് പറയാൻ ചെറിയ മടി തോന്നി.

" മടിക്കാതെ കാര്യം പറ പിള്ളേരെ.. "

അയാൾ നിർബന്ധിച്ചു.

" ഞങ്ങൾക്ക് ഒരു സഹായം വേണായിരുന്നു.."

ഇരുവരും ഒരേ സ്വരത്തിൽ പറഞ്ഞു.

" എന്തു സഹായം..? "

കേശവൻ സംശയത്തോടെ ചോദിച്ചു.

" കുറച്ച് കാശ് കടം വേണമായിരുന്നു.. "

നമിത പതിയെ പറഞ്ഞു.

" കാശോ..? നിങ്ങൾക്ക് എന്തിനാ ഇപ്പൊ കാശ്..? "

" അടുത്ത ആഴ്ച ഞങ്ങടെ 10th ബാച്ചിന്റെ ഗെറ്റുഗദറാണ്… പുതിയ ഡ്രസ്സ് ഒന്നും കയ്യിൽ ഇല്ല. "

നമിത പറഞ്ഞു.

" നിങ്ങടെ അച്ഛനോട് ചോദിച്ചോ..? "

" ചോദിച്ചു. ഇപ്പൊ തരാൻ കാശില്ലാന്നാ പറയണത്. "

" ശരി നിങ്ങൾക്ക് എത്ര കാശാ വേണ്ടത്..? " അയാൾ ചോദിച്ചു.

ഐശ്വര്യയും, നമിതയും പരസ്പരം നോക്കി.

" ഒരു 1000 വേണം.. "

അതു കേട്ട് അയാൾ പുഞ്ചിരിച്ചു.

" ഈ കാലത്ത് 1000 രൂപക്ക് നല്ല ഡ്രസ്സ് കിട്ടോ പിള്ളേര്…? "

" അറിയില്ല. വിലകുറഞ്ഞ ഏതേലും വാങ്ങണം. "

" ഗെറ്റുഗദറിനൊക്കെ പോകുമ്പോൾ നല്ല ഡ്രസ്സ് തന്നെ ഇടണം. 2000