Chapter Title : രണ്ടാം വരവ് [നവവധു 2] ഭാഗം 4 [JO] [ക്ലൈമാക്സിലേക്ക്]

ഏയ്... രണ്ടുപേർക്കും ഒരുപോലെയല്ലേടാ നമ്മള് ഇത്രെംനാളും മേടിച്ചോണ്ടിരുന്നെ...ഇപ്രാവശ്യം എന്റെ കൊച്ചിനുമാത്രം മേടിച്ചില്ലല്ലോന്നോർത്തപ്പോ എന്തോ ഒരു വെഷമം. ശോ... ഏത് നേരത്താണോ എനിക്ക് ചോദിക്കാനും തോന്നിയത്...

എന്നത് ചോദിക്കാൻ...???

ഞാനറിഞ്ഞോ നീ അവക്കൊന്നും മേടിക്കാതെയാ വന്നതെന്ന്... എന്നേലും മേടിച്ചുകാണൂന്നു കരുതിയാ ജോക്കുട്ടൻ മേടിച്ചോണ്ടു വന്നതിങ്ങെടുതോണ്ട് വന്നെടീന്ന് പറഞ്ഞേ... ഒന്നും മേടിച്ചോണ്ടു വന്നില്ലമ്മേന്നും പറഞ്ഞ് പരാതി പറഞ്ഞോണ്ടിരിക്കുമ്പഴാ അച്ചുവാ നെക്ലേസും എടുത്തോണ്ട് വന്നത്... എന്റടാ ആ സമയത്താ മുഖവൊന്നു കാണണവാരുന്നു...

ആഹാ... അപ്പ എനിക്കിട്ട് പാര വെച്ചിട്ടാണല്ലേ ഇവിടിരുന്നു സെന്റിയടിക്കുന്നെ...???

ഞാനറിഞ്ഞോ നീയിമ്മാതിരി പണി കാണിക്കൂന്ന്...

ആഹാ വല്ലാത്ത സങ്കടവാണെങ്കിലെ മോളൊരു ഒന്നൊന്നരലക്ഷം രൂപയിങ് തന്നേ... നാളെത്തന്നെ മരുമോൾക്കും മേടിച്ചു കൊടുത്തേക്കാം...

അയ്യട... തന്നത്താനങ്ങു മേടിച്ചേച്ചാ മതി... നാണവില്ലല്ലോടാ പെണ്ണുംപിള്ളക്കു സാമാനം മേടിക്കാൻ അമ്മേടെ മുന്നീ കൈനീട്ടാൻ...

ഓ അല്ലേലാര്‌ മേടിക്കൂന്നറിഞ്ഞൂടാ... എനിക്കറിയാം എന്റെ പെണ്ണിന് മേടിച്ചുകൊടുക്കാൻ...

ഉം... കൊറേ കൊടുപ്പ് കൊടുക്കും...

ആ അത് നമ്മക്ക് കാണാം...

ആ കാണാം...

അല്ല ശ്രീമതിയെ പറഞ്ഞുവിട്ടിട്ട് ശ്രീമാൻ എന്തിയെ???

ആ അവിടെങ്ങാനും കാണും... അതിനി ലോകകാര്യം മൊത്തം പറഞ്ഞു തീർന്നിട്ടല്ലേ വരൂ... നീയൊരു കാര്യം ചെയ്യ്... എന്നെയൊന്നു കൊണ്ടാക്കിത്താ... അച്ഛൻ എപ്പഴേലും വരട്ടെ...

പിന്നെ.... എന്നേക്കൊണ്ടേങ്ങും വയ്യ... വേണേങ്കി ഇവിടെവിടേലും കെടക്ക്...

എടാ ആ പശും കോഴീമൊക്കെ പട്ടിണിയാ...

പിന്നെ ഈ പാതിരാത്രിക്കല്ലേ അമ്മയിനി അതിനെ തീറ്റാൻ പോകുന്നേ... വേണേ ഇവിടെവിടേലും കേറിക്കിടക്കാൻ നോക്ക്... ഞാനേ എന്റെ പെമ്പ്രന്നോതീടെ പിണക്കവൊന്നു മാറ്റാൻ നോക്കട്ടെ... ഇല്ലെങ്കിലെനിക്കിന്നു കിടക്കപ്പൊറുതിയുണ്ടാവില്ല...

ആ ദേ അച്ഛൻ വന്നു... എന്നാപ്പിന്നെ ഞങ്ങള് പോയെക്കുവാ... നീ രാവിലെ എങ്ങോട്ടേലും പോകുവോ...???

ഉം... എന്നാ???

അല്ലാ ഷോപ്പീന്നാ പെങ്കൊച്ചു വിളിച്ചാരുന്നു... നിന്നെ വിളിച്ചിട്ട് കിട്ടീല്ലന്നോ ഏതാണ്ട് ഫയൽ ചെയ്യണോന്നും പറഞ്ഞാരാണ്ട്‌ വിളിച്ചൂന്നോ... ആ ഏതാണ്ട് പറയുന്ന കേട്ട്... വേണേ വിളിച്ചു ചോദിക്ക്...

ആ ഇനിയീ പാതിരാത്രിക്കല്ലേ... രാവിലെ ഏതായാലും ഷോപ്പിലൊന്നു പോണം... അപ്പ നോക്കാം...

ആ എന്നാപ്പിന്നെ ഞങ്ങള് ഇറങ്ങിയെക്കുവാ... അവളെ നോക്കീട്ട് കണ്ടില്ല... മുഖവും വീർപ്പിച്ചിരിക്കാണ്ട് എന്തേലും എടുത്തു തിന്നിട്ട് കിടക്കാൻ പറ... അത്താഴപ്പട്ടിണി കെടക്കാതെ...

ആ വേണേ വന്ന്