Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 10 [Sagar Kottapuram]

അതുകേട്ടപ്പോൾ ചിരി വന്നു . മഞ്ജു ആദ്യമായി കോളേജിൽ വന്നപ്പോൾ ഞാനും ശ്യാമും ഒരുപോലെ വായിനോക്കി നടന്നിട്ടുണ്ട് . അതൊക്കെ അവളുടെ ബാഹ്യ സൗന്ദര്യം കണ്ടിട്ട് തന്നെയാണ് . പിന്നെ പിന്നെ അവളെ അടുത്തറിഞ്ഞതോടെ എന്റെ ഇഷ്ടം കൂടി കൂടി വന്നു . കാമം ഒകെ പ്രണയത്തിലേക്ക് വഴിമാറിയതും അങ്ങനെയാണ് "മോനെ മതി ...ഞാൻ ഒരു തരത്തില് അവളെ മറന്നിട്ടു ഇങ്ങു പോന്നതാ..നീ ആയിട്ട് എന്നെ മൂഡ് ആക്കല്ലേ " ഞാൻ ചിരിയോടെ തട്ടിവിട്ടു വേഷം മാറാൻ തുടങ്ങി . "സരിത മിസ് ഇപ്പൊ വിളിയുണ്ടോ ?" ഷർട്ട് മാറുന്നതിനിടെ ഞാൻ ശ്യാമിനോടായി തിരക്കി .

"ഏയ് ഇല്ല ..ഞാൻ പുള്ളിക്കാരിയോട് കാര്യമൊക്കെ പറഞ്ഞിട്ടുണ്ട് ..അത് പാവം ആണെടാ ..." ശ്യാം ചിരിയോടെ തട്ടിവിട്ടു . "ഹ്മ്മ്..ഹ്മ്മ്..." അവന്റെ മറുപടി കേട്ട് ഞാൻ അർഥം വെച്ച് മൂളി . "പോടേയ് ..ഇപ്പൊ അങ്ങനെ ഒന്നും ഇല്ല ..നിന്നെപ്പോലെ ഞാനും ഏക പത്നി വ്രതത്തിലാ.." ശ്യാം കാര്യമായി തന്നെ പറഞ്ഞു . "ആഹ്..എന്നാൽ നിനക്ക് കൊള്ളാം.." ഞാൻ ചിരിയോടെ പറഞ്ഞു . "ഡെയ് ഇവിടെ വല്ലോം കഴിക്കാൻ ഉണ്ടോ ? ഞാൻ ഒന്നും കഴിക്കാതെയാ വന്നത് " പെട്ടെന്ന് എന്തോ ഓർമിച്ച പോലെ ഞാൻ അവനു നേരെ തിരിഞ്ഞു . "ആഹ് കാണും .പവിഴം വന്നു എന്തൊക്കെയോ ഉണ്ടാക്കി വെച്ചിട്ടുണ്ട് " ശ്യാം ഗൗരവത്തിൽ പറഞ്ഞു . "ഹോ..ആശ്വാസം ...നീ കഴിച്ചോ ?" ഞാനവനെ ചോദ്യ ഭാവത്തിൽ നോക്കി . "ആഹ്..എന്റെ കഴിഞ്ഞു ..നീ പോയി കഴിച്ചിട്ട് വാ ..എല്ലാം കിച്ചണിൽ അടച്ചുവെച്ചിട്ടുണ്ട് " ശ്യാം പയ്യെ  പറഞ്ഞു . അതോടെ ഞാൻ വേഷം മാറ്റി ഭക്ഷണം കഴിക്കാനായി കിച്ചനിലോട്ടു പോയി . ആ സമയത്തു തന്നെ ഞാനെത്തിയ വിവരം പറയാൻ വേണ്ടി മഞ്ജുസിനും വിളിച്ചു .  ഇഡ്ഡലിയും സാമ്പാറുമാണ് പവിഴം അന്നത്തേക്കായി ഉണ്ടാക്കി വെച്ചിരുന്നത് . വിശപ്പ് കൂടുതലുള്ളതുകൊണ്ടോ എന്തോ അന്നത്തെ പലഹാരത്തിനു അതീവ രുചി ആയിരുന്നു . ഞാൻ ഫോൺ സ്പീക്കർ മോഡിലിട്ടു മഞ്ജുസിനെ വിളിച്ചു .