Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 10 [Sagar Kottapuram]

ഞാൻ അതിനു ചിരിയോടെ മറുപടി നൽകി . "ഹോ..നിന്റെ ഒരു കാര്യം .." എന്റെ മറുപടി കേട്ട് അമ്മച്ചി ചിരിച്ചു . എല്ലാം കണ്ടും കേട്ടും മഞ്ജുസ് എന്റെ അടുത്ത് ഒട്ടിനിൽപ്പുണ്ട് . "അച്ഛനോട് ഒന്ന് പറഞ്ഞേക്കെടാ ...ആള് എണീറ്റിട്ടില്ല " അമ്മ അടുപ്പിൽ ശ്രദ്ധിച്ചുകൊണ്ട് തന്നെ എന്നോടായി പറഞ്ഞു . "ആഹ്.."

ഞാനതിനു പയ്യെ മൂളി . പിന്നെ അമ്മയുടെ റൂമിനടുത്തേക്ക് പോയി . അച്ഛൻ ബെഡിൽ മലർന്നു കിടന്നു സുഖമായി ഉറങ്ങുന്നുണ്ട് ."നല്ല  ഉറക്കം ആണല്ലോ ..വിളിക്കണോ ?" ഞാൻ മഞ്ജുസിനെ ചോദ്യ ഭാവത്തിൽ നോക്കി ."പറയാതെ പോണത് മോശം അല്ലെ ..നീ വിളിക്കെടാ .." മഞ്ജുസ് എന്ന് പ്രോത്സാഹിപ്പിച്ചു . അതോടെ അവളെ പുറത്തു നിർത്തി ഞാൻ റൂമിലേക്ക് കടന്നു . പിന്നെ അച്ഛന്റെ അടുത്ത് ബെഡിൽ ചെന്നിരുന്നു ധൈര്യം സംഭരിച്ചു പയ്യെ വിളിച്ചു . "അച്ഛാ ...അച്ഛാ...." ഞാൻ ഒന്ന് രണ്ടു വട്ടം വിളിച്ചതും പുള്ളി കണ്ണ് തുറന്നു . എന്നെ മുൻപിൽ കണ്ടതും പുള്ളി ചുറ്റുമൊന്നു നോക്കി . കിടന്ന സ്ഥലം മാറിപ്പോയോ എന്ന് തോന്നിയോ എന്തോ . "ഞാൻ പോവാട്ടോ ..." അച്ഛൻ എന്തേലും ഇങ്ങോട്ട് പറയുന്നതിന് മുൻപേ ഞാൻ കാര്യം അങ്ങോട്ട് പറഞ്ഞു .  അതോടെ പുള്ളി തലയാട്ടികൊണ്ട് എഴുനേറ്റു . ഒരു ലുങ്കി മുണ്ട് മാത്രമാണ് കക്ഷിയുടെ വേഷം . അത് ഒന്നുടെ വാരി ചുറ്റികൊണ്ട് കക്ഷി എന്നെ നോക്കി . "ഇറങ്ങുവാണോ?" പുള്ളി എന്നെ ഗൗരവത്തിൽ നോക്കി . "ആഹ്..അതെ .." ഞാൻ അതിനു പയ്യെ മറുപടി നൽകി . "ഹ്മ്മ്..എന്ന നടക്ക്" പുള്ളി ഗൗരവത്തിൽ പറഞ്ഞു ബെഡിൽ നിന്നും താഴേക്കിറങ്ങി . പിന്നാലെ ഞാനും . അതോടെ വാതിൽക്കൽ നിന്ന മഞ്ജുസ് ഒന്നുമറിഞ്ഞില്ലെന്ന മട്ടിൽ ഹാളിലേക്ക് ഓടി .ഞാനും അച്ഛനും കൂടി ഹാളിലോട്ട് എത്തിയതോടെ മഞ്ജുസ് ഞങ്ങളെ നോക്കി പുഞ്ചിരിച്ചു . പിന്നെ അവളും അച്ഛനും കൂടി ഉമ്മറത്തു വന്നു നിന്ന് എന്നെ യാത്രയാക്കി . സ്വല്പം വിഷമം തോന്നിയെങ്കിലും പോകാതെ പറ്റില്ലല്ലോ .