Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 11 [Sagar Kottapuram]

ചിരിയോടെ നോക്കുന്നുണ്ട്. ഒരുമാതിരി ആക്കിയ ചിരിയാണ് ! "ആഹ്..സുഖം ആണ് ..ആതിര അല്ലെ ?"

ചോദിച്ച പെൺകുട്ടിക്ക് മറുപടി നൽകികൊണ്ട് മഞ്ജുസ് അന്വേഷിച്ചു ."അതെ ..മിസ്സിന് ഞങ്ങളെ ഒകെ ഓര്മ ഉണ്ടല്ലേ.." ആ പെൺകുട്ടിയും സന്തോഷത്തോടെ ഞങ്ങളെ നോക്കി . "പിന്നെ ഇല്ലാതെ ..ഇത് രേഷ്മ...ഇത് നിത്യ ..അല്ലെ ?" ഒപ്പം നിന്നവരെ കൂടി നോക്കികൊണ്ട് മഞ്ജുസ് പുരികങ്ങൾ ഉയർത്തി .അവരെല്ലാം അതിനു പുഞ്ചിരിയോടെ തലയാട്ടി . "നിത്യ ഇവിടെ തന്നെ അല്ലെ പി.ജി ചെയ്യുന്നത് ..നമ്മള് കാണാറുണ്ട് അല്ലെ ?" മഞ്ജുസ് ആ കുട്ടിയോടായി തിരക്കി . "ആഹ് അതെ..." അവളതിന് മറുപടിയും നൽകി . "കവിൻ എന്താടോ ഒന്നും മിണ്ടാതെ നിൽക്കുന്നെ ? ഞങ്ങളെ ഒകെ മറന്നോ ?" ആതിര എന്നെ കുട്ടി എന്നെ നോക്കി ചിരിച്ചു . അപ്പോഴാണ് എല്ലാം കണ്ടും കേട്ടും നിന്ന ഞാൻ സ്വപ്നത്തിൽ നിന്നെന്ന പോലെ ഞെട്ടിക്കൊണ്ട് അവരെ നോക്കി ചിരിച്ചത് . "ഏയ് ..അങ്ങനെ ഒന്നും ഇല്ല..ഞാൻ ചുമ്മാ ..നിങ്ങള് സംസാരിക്കുവല്ലേ " ഞാൻ ചെറിയ പരുങ്ങലോടെ പറഞ്ഞൊപ്പിച്ചു . "ഹ്മ്മ്...എങ്ങനെയുണ്ടെടോ മിസ്സിന്റെ കൂടെ ഉള്ള ലൈഫ് ഒകെ ?" പ്രതീക്ഷിച്ച ചോദ്യം ഒരു ചിരിയോടെ എത്തിയതും ഞാൻ മഞ്ജുസിനെ നോക്കി . അവളെന്നേയും ! "ആഹ്..വല്യ കൊഴപ്പം ഇല്യാടോ..അങ്ങനെ പോണൂ.." ഞാൻ അവരോടായി പയ്യെ തട്ടിവിട്ടു . "എന്തായാലും വല്ലാത്ത സർപ്രൈസ് ആയിപോയി ട്ടോ മിസ്സെ ..ഞങ്ങളാരും ഇങ്ങനെ ഒരു ചുറ്റിക്കളി പ്രതീക്ഷിച്ചില്ല . ശരിക്കും കേട്ടപ്പോ ഷോക് ആയിരുന്നു " രേഷ്മ എന്ന കുട്ടി മഞ്ജുസിനോടായി പറഞ്ഞു ചിരിച്ചു . അതോടെ മഞ്ജുസ് ഒന്ന് വല്ലാണ്ടായി .ഇനി ഇങ്ങനെയുള്ള ചോദ്യങ്ങളും സംസാരവും ഗെറ്റ് ടുഗതർ കഴിയുന്നത് വരെ പ്രതീക്ഷിക്കാം ! "ആഹ്...സംഭവിച്ചു പോയി. ഒകെ കഴിഞ്ഞില്ലേ രേഷ്മേ . അതൊക്കെ പോട്ടെ നിങ്ങളൊക്കെ ഇപ്പൊ എന്താ ചെയ്യണേ ? മാര്യേജ് ഒകെ കഴിഞ്ഞോ ?" പെട്ടെന്ന് വിഷയം മാറ്റിക്കൊണ്ട് മഞ്ജുസ് ഗൗരവം അഭിനയിച്ചു . "ആഹ്...കഴിഞ്ഞു മിസ്സെ ..നിത്യ മാത്രം കെട്ടിയിട്ടില്ല" രേഷ്മ അതിനു ചിരിയോടെ