Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 13 [Sagar Kottapuram]

വേണ്ടത് തന്നെയാ .."

അച്ഛനും ഗൗരവത്തിൽ പറഞ്ഞു ."പിന്നെ..അച്ഛൻ വന്നിട്ട് അങ്ങോരെ വിളിച്ചാരുന്നോ ?" ഞാൻ റോസ്‌മോളുടെ കൈകൾ കൂട്ടിപിടിച്ചുകൊണ്ട് തിരക്കി . "ഏതു അങ്ങേര് ?" പുള്ളി എന്നെ സംശയത്തോടെ നോക്കി . "ടീച്ചറുടെ അച്ഛനെ ...." ഞാൻ സ്വല്പം ജാള്യതയോടെ പറഞ്ഞു . "ഓഹ്...അത്....[ പുള്ളി ഒന്ന് ചിരിച്ചു ] . അതൊക്കെ വിളിച്ചിരുന്നു . ഒരു ദിവസം അങ്ങോട്ട് ചെല്ലാനൊക്കെ അളിയൻ [മഞ്ജുവിന്റെ അച്ഛൻ ] ക്ഷണിച്ചതാ...അതൊക്കെ പിന്നെ സൗകര്യം പോലെ ആകാമെന്ന് പറഞ്ഞിട്ടുണ്ട് " അച്ഛൻ സ്വല്പം മയത്തിൽ സംസാരിച്ചുകൊണ്ട് കസേരയിലേക്ക് ചെരിഞ്ഞു കിടന്നു . "ആഹ്.." ഞാനതിനു പയ്യെ മൂളി. "എന്നാപ്പിന്നെ വൈകിക്കണ്ട ..പോയി ഡ്രെസ്സൊക്കെ മാറിക്കോ .." അച്ഛൻ ഗൗരവത്തിൽ തന്നെ തട്ടിവിട്ടു . "എനിക്ക് മാറാൻ ഒന്നും ഇല്ല ...കാറിൽ അല്ലെ പോകുന്നത് .." ഞാൻ പയ്യെ പറഞ്ഞുകൊണ്ട് എഴുനേറ്റു . "ആഹ്..നല്ല കാര്യം..." പുള്ളി അതുകേട്ടു പയ്യെ ചിരിച്ചു . പിന്നെ അധിക നേരം കളയാതെ ഞാൻ പെണ്ണിനേയും എടുത്തു മുകളിലെ റൂമിലേക്ക് നടന്നു കയറി . മഞ്ജു വേഷമൊക്കെ മാറി റെഡി ആയിരുന്നു . ഒരു വെള്ള ഫുൾ കൈ ഷർട്ടും കറുത്ത ജീൻസ് പാന്റുമാണ് അവളുടെ വേഷം . ആദികുട്ടനും സെയിം പാറ്റേൺ ആണ് . റോസീമോൾക്ക് ഇടാൻ എടുത്തു വെച്ചിട്ടുള്ളതും അതെ കോമ്പിനേഷൻ തന്നെ . ആദി വേഷമൊക്കെ അണിഞ്ഞു ബെഡിൽ മഞ്ജുവിനെയും നോക്കി ഇരിപ്പുണ്ട്. അവൾ കണ്ണാടിയിൽ നോക്കി ഒരുങ്ങുകയാണ് . ഷർട്ടിന്റെ സ്ലീവ് സ്വല്പം മടക്കി വെച്ചിട്ടുണ്ട് . പിന്നെ വലതു കയ്യിൽ ഒരു ലേഡീസ് വാച്ചും കെട്ടിയിട്ടുണ്ട് .മുടിയൊക്കെ സ്റ്റൈൽ ആയിട്ട് ചീകി ഒരുവശത്തൂടെ മുൻപിലേക്ക് തൂക്കിയിട്ടിട്ടുണ്ട്. "നീ വീട്ടിലോട്ടു തന്നെ അല്ലെ പോണത് ? അല്ലാതെ ഫാഷൻ പരേഡിന് അല്ലല്ലോ " അവളുടെ വേഷം കണ്ടു ഞാൻ ചിരിച്ചു . "ഒന്ന് പോടാ..." എന്റെ ചളി അത്ര കാര്യമാക്കാതെ മഞ്ജുസ് മുടി ചീകിയിരുന്ന ചീപ് എന്റെ നേരെ എറിഞ്ഞു . റോസീമോൾ എന്റെ കയ്യിൽ ഉണ്ടായിരുന്നത് കൊണ്ട്